Ivana Andrés
D’ Ivana Andrés Sanz [iˈβana anˈdɾes sanθ] (* 13. Jüüli 1994 z’ Aielo de Malferit, Vall d’Albaida, Prowìnz Valencia) ìsch a schpànischa Füassbàllschpììlera, wo vor àllem àls Ìnnavertaidigera schpììlt. Sa schteht sitter 2020 biim Real Madrid unter Vertrààg un schpììlt d’rzüa sitter 2015 fìr d’ schpànischa Nàzionààlmànnschàft.
| Ivana Andrés | ||
 D’ Ivana Andrés ìm März 2017
| ||
| Personalia | ||
|---|---|---|
| Name | Ivana Andrés Sanz | |
| Wänn uf d Wält choo | 13. Jüüli 1994 | |
| Wo uf d Wält choo | Aielo de Malferit, Schpània | |
| Größi | 163 cm | |
| Position | Àbwehr | |
| Juniorinnen | ||
| Johr | Station | |
| –2006 | Aielo CF | |
| 2006–2008 | DSV Colegio Alemán | |
| Fraue | ||
| Johr | Station | Spil (Tor)1 |
| 2008–2009 | DSV Colegio Alemán | ? (?) |
| 2009–2018 | FC Valencia | 236 (6) |
| 2018–2020 | UD Levante | 49 (2) |
| 2020– | Real Madrid | 61 (0) |
| Nationalmannschaft | ||
| Johr | Uuswahl | Spil (Tor)2 |
| 2010–2011 | Schpània U-17 | 8 (1) |
| 2011–2013 | Schpània U-19 | 15 (4) |
| 2015– | Schpània | 40 (0) |
| 1 Aagää sind nur Ligaspiil. Stand: 16. Oktober 2022 2 Stand: 11. Oktober 2022 | ||
| Dialäkt: Mìlhüüserdiitsch |
ìhra Kàrriar
ändereìm Verain
ändereÌhra Làuifbàhn hàt d’ Ivana Andrés ìn ìhrer Geburtsschtàdt Aielo de Malferit ààgfànga, ìm Verain Aielo CF. Ìm Àlter vu 12 Joohra-n-ìsch sa ìn d’ Prowìnzhàuiptschtàdt Valencia ìn dr Diitscha Schportverain Colegio Alemán gànga ge schpììla. Doo ìsch sa z’äärscht ìn dr B- un C-Mànnschàft gsìì, vor äbb sa ànna 2008 Mìtglììd ìm äärschta Kàder worra-n-ìsch. Mìt dr A-Mànnschàft hàt sa ìn dr Äärschta Diwisioon gschpììlt. Ànna 2009 hàt dr Verain a Àbkumma mìt’m FC Valencia unterzaichent un ìsch domìt d’ Fàuijafüassbàllsekzioon vum berìahmta Verain worra. Biim FC Valencia hàt d’ Ivana Andrés noch niina wittera Joohra gschììlt. Mìt dam Verain ìsch sa unteràndrem bis àm Andschpììl vu dr Copa de la Reina 2014/15 glunga, wo d’ Mànnschàft mìt 1:2 geega dr Sporting Huelva verloora hàt —d’ Hàlbfinààla hàt sa jedoch 1:0 geega dr Fàworit FC Barcelona gwunna ghàà. Ìn dr Saison 2016/17 ìsch sa mìt dr Mànnschàft bis àm drìtta Plàtz vu dr Liga glunga; bis zu doo ìsch dàs s’ bäschta-n-Ärgabniss ìn dr Gschìcht vum Verain gsìì. Ìn ìhra lätschta Joohra biim FC Valencia ìsch d’ Ivana Andrés Kàpitään vu dr Mànnschàft gsìì.[1]
Ìm Summer 2018 ìsch d’ Ivana Andrés ìn dr UD Levante gànga ge schpììla. Därt ìsch sa zwai Joohra làng blììwa. Ìn da baida Schpììlzitta-n-ìsch sa bis àm drìtta Plàtz vu dr schpànischa Maischterschàft glunga, hìnter àn da dominiarenda Mànnschàfta-n-FC Barcelona un Atlético Madrid. Ìm Summer 2020 hàt sa a Vertrààg bii dr näija Fràuijasekzioon vum Real Madrid unterzaichent. Doo ìsch sa ìn ìhrer äärschta Saison àls Mànnschàftskàpitään ärnännt worra.
ìn dr Nàzionààlmànnschàft
ändereMìt ìhrer Nàzionààlmànnschàft hàt d’ Ivana Andrés àn dr U-17-Waltmaischterschàft 2010 mìtgmàcht; doo ìsch sa uff Plàtz 3 ànakumma. Ìn àlla säcks Andrundaschpììler ìsch sa vum Ààpfiff àà uff’m Schpììlfald gsìì. Ìm Joohr druff hàt sa zamma mìt dr U-17 àn dr Öiropàmaischterschàft mìtgmàcht; dàsmol hàt Schpània d’ Guldiga Medàlia bikumma, mìt’ra 1:0-Siig ìm Andschpììl geega Frànkrììch. Ìn dr Hàlbfinààla wia àui ìm Andschpììl ìsch d’ Ivana Andrés vum Ààschpììl àà uff’m Schpììlfald gsìì. Ànna 2012 ìsch sa zamma mìt dr U-19 Nàzionààlmànnschàft vu Schpània bis ìm Andschpììl vu dr Öiropàmaischterschàft glunga, wo sa nooh Verlängerung geega Schweeda verloora hann.
Ìhr äärscht Schpììl ìm A-Kàder hàt d’ Ivana Andrés àm 11. Hornung 2015 gaa. ’S ìsch a Frììndschàftsschpììl geega Belgia gsìì. Ìm saalwa Joohr ìsch sa àls Mìtglììd ìm Andrundakàder fìr d’ Waltmaischterschàft ärnännt worra; ìm Làuif vum Turniar ìsch sa àwwer nia uff’m Schpììlfald z’ sah gsìì. Ìhr äärschter wìchtiger Gwìnn mìt dr Nàzionààlmànnschàft ìsch biim Algarve-Cup 2017 gsìì, wu d’ Schpànierinna sìch mìt 1:0 ìm Andschpììl geega Kànàdà duuragsätzt hann —vorhar hann sa sìch ìm Làuif vum Turniar geega Jàpàn un Norweega duuragsätzt ghàà. Doo ìsch d’ Ivana Andrés bii àlla viar Schpììler z’ sah gsìì. Àn dr Öiropàmaischterschàft 2017 hàt sa jedoch waga’ma Schlìsselbaibruch nìt känna mìtmàcha.[2] Bii dr Waltmaischterschàft 2019 ìsch sa nochamol d’rbii gsìì, àwwer via Joohra z’vor ìsch sa nìt uff’m Schpììlfald z’ sah gsìì.
ìhra Ärfolga
ändere- mìt dr schpànischa Nàzionààlmànnschàft
- Algarve-Cup: 2017
- U-19-Europameisterschat 2012: Sìlwer
- U-17-Europameisterschat 2011: Gold
- U-17-Weltmeisterschaft 2010: Bronza
Weblìnks
ändere
Commons: Ivana Andrés – Sammlig vo Multimediadateie- d’ Ivana Andrés ìn dr Dàtabànk vu weltfussball.de (uff Hoochdiitsch)
- d’ Ivana Andrés ìn dr Dàtabànk vu soccerdonna.de (uff Hoochdiitsch)
- d’ Ivana Andrés ìn dr Dàtabànk vu soccerway.com (uff Hoochdiitsch)
Ainzelnoohwiisa
ändere- ↑ Ivana Andrés: «No somos menos mujeres por jugar al fútbol». In: lasprovincias.es. 6. September 2019, archiviert vom Original am 21. September 2019; abgruefen am 17. Oktober 2022 (schpanisch).
- ↑ Las dos espinas clavadas de Ivana Andrés. In: Marca. 6. Juni 2019, archiviert vom Original am 17. Oktober 2022; abgruefen am 17. Oktober 2022 (schpanisch).
|
Dä Artikel basiert uff ere fräie Übersetzig vu dere Version vum Artikel „Ivana_Andrés“ vu de hochdütsche Wikipedia. E Liste vu de Autore un Versione isch do z finde. |