Jérôme Boateng
Dr Jérôme Agyenim Boateng (* 3. Septämber 1988 z Berlin) isch e dytsche Fueßballspiler. Syter anne 2011 stoht er bim FC Bayern München unter Verdrag un spiilt dert in dr Inneverdaidigung.
| Jérôme Boateng | ||
.jpg) | ||
| Personalia | ||
|---|---|---|
| Name | Jérôme Agyenim Boateng | |
| Wänn uf d Wält choo | 3. Septämber 1988 | |
| Wo uf d Wält choo | Berlin, Dytschland | |
| Größi | 192 cm | |
| Position | Abwehr | |
| Junioren | ||
| Johr | Station | |
| 1998–2002 | Tennis Borussia Berlin | |
| 2002–2006 | Hertha BSC | |
| Herre | ||
| Johr | Station | Spil (Tor)1 |
| 2005–2007 | Hertha BSC II | 24 (1) |
| 2006–2007 | Hertha BSC | 10 (0) |
| 2007–2010 | Hamburger SV | 75 (0) |
| 2010–2011 | Manchester City | 16 (0) |
| 2011– | FC Bayern Münche | 196 (4) |
| Nationalmannschaft | ||
| Johr | Uuswahl | Spil (Tor)2 |
| 2005 | Dütschland U17 | 4 (1) |
| 2005–2007 | Dütschland U19 | 17 (2) |
| 2007–2009 | Dütschland U21 | 15 (1) |
| 2009–2018 | Dütschland | 76 (1) |
| 1 Aagää sind nur Ligaspiil. Stand: 14. Mai 2016 2 Stand: 6. Juni 2020 | ||
2013 het er mit dr Münchner s groß Triple us dytscher Maischterschaft, DFB-Pokal un dr UEFA Champions League gwunne. Mit dr dytsche Nationalmannschaft isch er 2014 z Brasilie Wältmaischter wore.
Lääbe
ändereDr Boateng isch e Suhn vun ere dytsche Muter un eme ghanaische Vater. Är het e jingeri Schweschter, Avelina, un iber dr Vater zwee elteri Halbbriedere, dr Kevin-Prince un dr George.[1]
Dr Jérôme Boateng isch z Berlin ufgwachse un im Bezirk Charlottenburg-Wilmersdorf uf d Poelchau-Oberschuel gange, e sportbetonti Gsamtschuel mit gimnasialer Oberstapfle. Är het dr Hauptschuelabschluss gmacht un isch derno Profifueßballspieler wore.[1]
Aagfange het er bi Tennis Borussia Berlin un isch 2002 im Alter vu 13 Johr in d Noowuchsabdailig vu Hertha BSC gwächslet. Am 31. Jänner 2007 het er sy erscht Bundesligaspiil fir d Profimannschaft vu Hertha BSC gmacht.
Zuer Saison 2007/08 isch er vum Hamburger SV verpflichtet wore. No drei Johr isch er zue dr Saison 2010/11 zum änglische Erschtligischt Manchester City gwächslet un syt dr Saison 2011/12 spilt er fir dr FC Bayern München
Erfolg
ändereNationalmannschaft
- Wältmaischter: 2014
- Dritter bi dr Wältmeisterschaft: 2010
- U-21-Europamaischter: 2009
Hertha BSC
- Dytsche B-Juniorenmeister: 2005
Manchester City
- Änglische Pokalsiger: 2011
FC Bayern München
- FIFA-Klub-Wältmaischter: 2013
- UEFA-Champions-League-Siger: 2013
- Finalischt vu dr UEFA Champions League: 2012
- UEFA-Super-Cup-Siger: 2013
- Dytscher Maischter: 2013, 2014, 2015, 2016
- DFB-Pokal-Siger: 2013, 2014, 2016
- Dytsche Supercup-Siger: 2012
Uuszaichnige
ändere- Silbernes Lorbeerblatt 2010, 2014
- Fritz-Walter-Medaille 2007 in Bronze
Weblink
ändere
Commons: Jérôme Boateng – Sammlig vo Multimediadateie- Offiziälli Websyte
- Jérôme Boateng in dr Datebank vu Weltfussball.de
- Jérôme Boateng in dr Datebank vo fussballdaten.de