Jüüdischi Litratuur

Litratur mit ere änge Beziejig zum Juudedum

Vo Jüüdischer Litratuur reedet mä bi Wärk, wo, vor allem vo Juude, über jüüdischi Thema verfasst worde si, bi literarische Wärk über irgend e Thema, wo in äinere vo de jüüdische Sprooche gschriibe si und bi Litratuur in irgend ere Sprooch, wo vo jüüdische Autore verfasst worde si.[1]

Site us em Jerusalemer Talmud.

Die antiki jüüdischi Literatuur umfasst d Büecher vo dr Biible und die elteri rabbinischi Litratuur. Us em Middelalter stamme religiöösi, müstischi, ethischi und filosofischi Wärk aber au wältligi Prosa und Lürik.[1] Ufblüeit isch die jüüdischi Litratuur aber in dr spöötere Nöizit, wo sich as Folg vo dr Ufkläärig und iirer jüüdische Entsprächig, dr Haskala, e sekulääri jüüdischi Kultur het afo entwiggle. Die modärni jüüdischi Litratuur umfasst Wärk uf Jiddisch, Ladino und sit dr Gründig vom jüüdische Jischuv in Palestina Wärk im modärne Hebräisch. Wichdig isch au die jüüdischi Litratuur uf Änglisch dank dr groosse Zaal vo jüüdische Autore z Amerika in de letschte zwäi Joorhundert.

Fuessnoote ändere

  1. 1,0 1,1 Literature, Jewish. Abgrüeft am 13 July 2015.
  Dä Artikel basiert uff ere fräie Übersetzig vum Artikel „Jewish_literature“ vu de änglische Wikipedia. E Liste vu de Autore un Versione isch do z finde.