Janina Klassen

D Janina Klassen (* 1953 z Bad Salzuflen) isch e dytschi Musikwisseschaftleri un Brofässeri an dr Hochschuel fir Musik Fryburg.

Lääbe

D Klassen het z Freiburg, z Wien, z Paris, z Siena un z Kiel Musikwisseschaft, Germanischtik, Philosophi un Italienisch studiert. Si het aafangs im Christians Verlag z Hamburg un as Dozänti fir Musiktheori gschafft. No verschidene Verdrättige un Lehrufdreg un Arbeite as freii Autori, Dramaturgi un Rusgeber het si an dr Uniwersitet Kiel promowiert un si an dr Tächnische Uniwersitet Berlin habilitiert. Anne 1999 isch si Brofässeri fir Musikwisseschaft an dr Fryburger Musikhochschuel wore un isch dert Mitglid vum Senat. Si het Bydreg zue aktuäller Musik un Musikkunzäpt, musikgschichtlige Theme, Musik-Sprochtheori un Genderfroge publiziert. Anne 2009 het si ne wichtigi Biografy iber d Clara Schumann vereffetligt.

Uuszaichnige

• Robert-Schumann-Bryys vu dr Stadt Zwickau 2019 (zäme mit dr Ragna Schirmer)

Wärch

• Janina Klassen: Clara Schumann: Musik und Öffentlichkeit. Böhlau, Köln/Weimar/Wien 2009, ISBN 978-3-412-19405-5. 

Fueßnote

Dä Artikel basiert uff ere fräie Übersetzig vu dere Version vum Artikel „Janina_Klassen“ vu de dütsche Wikipedia. E Liste vu de Autore un Versione isch do z finde.