Jazzhuus Fryburg
S Jazzhuus Fryburg isch e Jazzclub z Fryburg im Brysgau. Dr alt Wyychäller unter em Goethe-Institut in dr Schnewlinstraße isch scho vu Aafang aa auf verschiideni Musikstil uusgrichtet gsii, nit nume uf Jazz. Do schaffe d Fryburger Rockinitiative, dr Folk- un Bluesclub, d Jazz- un Rockschuel Fryburg un d Oldtime-Jazz-Initiative zäme. Zum Jazzhuus gheert syter anne 2005 au ne aige Plattelabel (Jazzhaus Records).
Gschiicht ändere
D Gschiicht vum Jazzhuus Fryburg fangt aa am 6. Juni 1985 mit eme Brief vum Waldi Heidepriem an d Fryiburger Jazz-Szene. Doodruf hän si iiber 60 Lyt am 26. Juni 1985 in dr Mooswaldbierstuube droffe un d Initiative Fryburger Jazzhuus grindet. D Idee doderzue isch uf em Zält-Musik-Feschtival in eme Gsprääch entstande, wu dr Waldi Heidepriem un dr Rolf Böhme – dr doomoolig Ooberbuurgermaischter vu Fryburg – derby gsii sin. Am 13. Novämber 1985 isch d Grindigsversammlig vu dr Verainigung Fryburger Jazzhuus gsii, wu dr Heidepriem au zum eerschte Voorsitzer gweelt wooren isch. Diräkt dernoo het mer mit um Umböu aagfange, am 10. Oktoober 1987 isch ais vu dr Prunkstuck vum Chäller gliiferet woore, dr grooß Bösendörfer Fliigel, wu speeter au dr Miles Davis druf gspiilt het.[1] Am 16. Oktober 1987 isch s Jazzhuus ufgmacht woore, gspiilt hän unter anderem d Albert-Louis-Jazzband, dr Charlie Roman, d Free Dig Bigband, s Gigolo-Reinhardt Swingtett, d Hallelujah Stompers, d Mary Silvester, dr Ray Austin, The Gang u. a. Dr Joachim-Ernst Berendt het en „sicherlich einen der schönsten Jazzkeller der Welt“ gnännt.
1994/95 isch s zuen ere eerschte Krise chuu, wu dr Fryburger Gmairoot blaant het, di gringe Zueschiss z stryyche. Noch ere uurueige Zyt noch em Dood vum Grinder un Voorsitzer Waldi Heidepriem sin dr Christian Hodeige un dr Herbert Schiffels as eerschti Vorsitzer noogfolgt. Dr Jazzchäller het geege Kritik vu usse nei chenne uusgriichtet wääre. Wu d Kunzärt as kommerziälli un nimi as kulturälli Veraastaltige yygstuuft un dodermit hoochi Noozaalige vu Styyre fällig woore sin, isch wider zue finanziälle Turbulänze chuu. As Folg dervu het si dr Verain ufdrännt in er gmainnitzige Verain un e Bedryybergsellschaft. Zweck des Vereins ist die Pflege und Fortentwicklung der Jazz-Musik mit verwandten Bereichen und Strömungen wie insbesondere der Rock- und Folkmusik, die Förderung der Ausübung und des Nachwuchses. Hierzu gehört auch der Betrieb des Freiburger Jazzhauses.[2] No wytere finanziälle Schwiirigkaite ísch dank Sponsoore s komplett renoviert Jazzhuus 2001 dr Effetligkait voorgstellt woore. Dr Christian Hodeige het sy Amt as Voorsitzer an dr Herbert Schiffels un e verchlainerete, nei gweelte Voorstand abgee. Mer isch froo gsii, ass mer d Schwiirigkaite ooni Konkurs het chenne maischtere un di gmainnitzige Ziil vum Verain mit dr wiirtschaftli nootwändige Ziil vu dr Bedryybergsellschaft het chenne verbinde un dodermit dr Bstand vum Jazzhuus sichere.[3]
S Jazzhuus Fryburg isch 2013 un 2018 fir sy Brogramm uuszaichnet woore un het us dr Hand vum Staatsminischter Bernd Neumann dr dytsch Spiilstättebryys iberchuu.[4]
D Semeschterabschlusskunzärt vum Studieberaich Jazz/Pop vu dr Musikhoochschuel Fryburg finde syter anne 2003 im Fryburger Jazzhuus statt.
Uusglääseni Muusiker, wu im Jazzhuus ufdrätte sin ändere
Zue dr Muusiker un Gruppe, wu do ufdrätte sin, zelle Al Di Meola, Bernard Allison, Art Blakey, Black Uhuru, Blood, Sweat & Tears, Cassandra Wilson, Cecil Taylor, Dee Dee Bridgewater, Desmond Dekker, Dianne Reeves, Ice-T, Joe Zawinul, John Zorn, Klaus Doldinger, Kool & The Gang, Public Enemy, Maceo Parker, Miles Davis, Mink DeVille, Nelly Furtado, Rammstein, Roger Chapman, Soul Asylum, Red Hot Chilli Pipers un Wayne Shorter.
Weblink ändere
Commons: Jazzhaus Freiburg – Sammlig vo MultimediadateieQuälle ändere
- Uli Homann: Die Entstehung des Jazzhauses; Jazzhausjournal Nr.: 1 Oktober 1987
- Waldis Worte zur Eröffnung Jazzhausjournal Nr.: 1 Oktober 1987
Fueßnote ändere
- ↑ Jazzzeitung 2007/05: jazz heute, Das Jazzhaus Freiburg feiert 20-Jähriges. In: jazzzeitung.de. Abgruefen am 10. Februar 2019.
- ↑ Zitaat us dr Verainssatzig
- ↑ Gschiicht vum Jazzhuus
- ↑ Live-Musik-Clubs im Südwesten ausgezeichnet
Koordinate: 47° 59′ 40,7″ N, 7° 50′ 25,5″ O
|
Dä Artikel basiert uff ere fräie Übersetzig vu dere Version vum Artikel „Jazzhaus_Freiburg“ vu de dütsche Wikipedia. E Liste vu de Autore un Versione isch do z finde. |