Johannes Helmle

Dr Johannes Helmle (* 26. Februar 1984) isch e dytsche Gschäftmann un alemannische Dialäktautor.

Lääbe

Dr Helmle het z Ditisee-Neistadt Abitur gmacht un fiert hite mit syre Muetter Johanna Helme zäme z Neistadt e Fachgschäft fir Bette un anderi Meebel („Helmle Wohfühlen“).

Dr Helmle isch fir Neistadt Mitglid im Kadolische Pfaargmairot vu dr „Seelsorgeienheit beim Titisee“ un syt 2009 Meesmer vum Münster St. Jakobus.

Syt 1991/92 isch er aktiv Mitglid im Haimetverain Lenzkirch-Kappel un syter 1993 isch er Mitglid im Musikverain Titisee-Jostal, syt 2010 spiilt er dert d Tuba. Im Schueljohr 1994/95 isch er Regionalsiiger (Draisemdal/Hochschwarzwald) bim Vorlääs-Wettbewärb „Alemannisch vortrage” vum „Verein zur Förderung der Landeskunde in den Schulen” wore. Im Johr 1996 het er d Hauptroll vum Matthias Faller in junge Johr bi dr Jostäler Freiliechtspiil im Stuck „Der Bildhauer vom Fallengrund” gspiilt.

Anne 2003 het dr Helmle bi dr erschte Uusgab vum Gerhard-Jung-Wettbewärb mir syre Gschicht „Dialekt-Probleme oder: Schuel-Alemannisch“ dr dritt Prys in dr Kategory Prosa gwunne. Syterhär duet er ab un zue ufdrätte mit alemannische Gedicht un Gschichte vu Autore aus dr Region, zem Byschpel vum Gerhard Jung. Dr Helmle isch Mitglid in dr Muettersproch-Gsellschaft

Wärch

• Dialekt-Probleme oder: Schuel-Alemannisch. In: Alemannisch dunkt üs guet. Heft III/IV 2003: S. 19–21

Literatur

• Johannes Helmle, 3. Preis Prosa, stellt sich vor. In: Alemannisch dunkt üs guet. Heft III/IV 2003: S. 18
• Johannes Helmle erhält 3. Preis im Gerhard-Jung-Wettbewerb. Badischi Zytig, 8. Mai 2003

• Wa die viile Lit alles mache – wenn mer si lot, Interview mit em Helmle in Dr Badische Zytig vum 9. April 2021
• Natürliches Wohnen steht bei Helmle Wohnfühlen im Mittelpunkt, Badischi Zytig, 7. Oktober 2021