Johannes XVIII.

Dr Johannes XVIII. (vorhär Johannes Fasanus; * z Rom; † no Mai 1009 z Sankt Paul vor dr Muure) isch Papscht vum 25. Dezämber 1003^[1] bis 1009 gsii. Vor sym Pontifikat isch dr Benediktiner Kardinalprieschter vu St. Peter gsii.

Lääbe

Wie scho sy Vorgänger, Johannes XVII., isch er vum remische Patricius Johannes II. Crescentius zum Papscht ghobe wore un vu sällem abhängig gsii. Ainewäg isch er in Chilchefroge dytli aktiver gsii un het si u. a. mit em franzesische Chenig Robert II. aaglait. Anne 1004 het er di erscht fimf polnische Märtyrer, di fimf Hailige Brieder, hailiggsproche. In dr Zyt vu sym Pontifikat het er 1007 d Grindig vum Bischtum Bamberg dur dr Chenig vum Oschtfrankerych un spetere Chaiser Heinrich II. bstetigt.

Är isch zruggzoge as Mench im Chloschter Sankt Paul vor dr Muure gstorbe, wun er au vergrabe isch. S isch nit klar, eb er vorhär as Papscht abdankt ghaa het.

Literatur

Udo Tavares: Johannes XVIII. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 217–220.

Weblink

Commons: Joannes XVIII. – Sammlig vo Multimediadateie

Catholic Encyclopedia (1913: Johannes XVIII.) im dütschsprochige Wikisource

Fueßnote

↑ Ferdinand Gregorovius: Geschichte der Stadt Rom im Mittelalter, Vom V. bis XVI. Jahrhundert, Band 4 bis 1009, S. 8. Stuttgart 1870.

Vorgänger	Amt	Nachfolger
Johannes XVII.	Papscht 1003–1009	Sergius IV.

Dä Artikel basiert uff ere fräie Übersetzig vu dere Version vum Artikel „Johannes_XVIII.“ vu de dütsche Wikipedia. E Liste vu de Autore un Versione isch do z finde.

[1] Ferdinand Gregorovius: Geschichte der Stadt Rom im Mittelalter, Vom V. bis XVI. Jahrhundert, Band 4 bis 1009, S. 8. Stuttgart 1870.

[1]