Johannes XVII.

Dr Johannes XVII. († 6. Novämber 1003; vorhär Giovanni Sicco) isch anne 1003 (vermuetli vum 16. Mai bis 6. Novämber) fir churzi Zyt Papscht gsii.

LääbeBearbeite

Dr Johannes Sicco isch im remische Stadtdail Biberetica uf d Wält chuu. Sy Geburtshuus mueß in dr Nechi vu dr Trajanssyyle gsii syy. Iber sy Härchumft waißt mer nit vyl, nume, ass sy Vater au Johannes ghaiße het un ass sy Familie wellewäg vu dr Crescentier abgstammt isch.

Dr Johannes isch noch em Dood vum Silvester II. vum remische Patricius Johannes II. Crescentius am 16. Mai 1003 zum Papscht ghobe wore un isch vu sällem abhängig gsii. Dr Crescentius het en draa ghinderet, zum Heinrich II. Kontakt ufznee go gueti Bezieige zum Chaiser ufböue. Iber sy Pontifikat waißt mer wenig. Sy wichtigschti Amtshandlig isch d Ernännig vum Benedikt zum Missionar un as er dä uf Pole gschickt het, wel mit eme Benedikt het d Chrischtianisierig vu dr Slawe aagfange. Wie alt dr Johannes bi sym Dood am 6. Novämber 1003 gsii isch, waißt mer nit. Är zellt zue dr weniger wichtige Päpscht vu dr Gschicht. Ainewäg isch e Grabschrift vu 1040 erhalte blibe, wu au drei vu syne Verwandte din gnännt wäre, wu alli au hochi Stellige in dr Chilche ghaa hän. S handlet si um e Bischof, e Diakon un e Wirdedreger vu dr Laterankanzlei.

Mit ihm het di falsch Zellig vu dr Päpscht mit em Name Johannes aagfange. Wel aber dr Gegepapscht Johannes XVI. vum Vater vum Johannes II. Crescentius, em Crescentius I. Nomentanus, yygsetzt woren isch, het ihm sälle Papscht natyrli as rächtmäßig gulte.

LiteraturBearbeite

  • Udo Tavares: Johannes XVII.. In: Biographisch-Bibliographisches Kirchenlexikon (BBKL). Band 3, Herzberg 1992, ISBN 3-88309-035-2, Sp. 217–220.
  • John N. D. Kelly: Reclams Lexikon der Päpste. 2. Auflage. Reclam, Stuttgart 2005 ISBN 3-15-010588-9, sub voce.
  • Antonio Sennis: Giovanni XVII. In: Dizionario Biografico degli Italiani (DBI). (italienisch).
  • Antonio Sennis: Giovanni XVII. In: Massimo Bray (Hrsg.): Enciclopedia dei Papi. Band 2: Niccolò I, santo, Sisto IV. Istituto della Enciclopedia Italiana, Rom 2000, S. 125–126 (treccani.it)..

WeblinkBearbeite

  Commons: Johannes XVII. – Sammlig vo Multimediadateie
  • Johannes XVII., In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 22. November 2011. (änglisch)
VorgängerAmtNachfolger
Silvester II.Papscht
1003
Johannes XVIII.
  Dä Artikel basiert uff ere fräie Übersetzig vu dere Version vum Artikel „Johannes_XVII.“ vu de dütsche Wikipedia. E Liste vu de Autore un Versione isch do z finde.