Johannes de Muris

Dr Johannes de Muris, Jean de Meurs, (* um 1300 in dr Normandii; † um 1360) isch e franzöösische Mathematiker, Astronom, Musiker und Kaländerreformer om Spootmiddelalter gsi.

Lääbe

Dr de Muris het woorschinlig an dr Sorbonne z Bariis underrichdet, won er mindestens sit 1321 Magister gsi isch Es isch sicher ass er zwüsche 1317 und mindestens 1348 wüsseschaftlig aktiv gsi isch. 1338 bis 1342 isch er äine vo de Sekretäär vom Köönig vo Navarra gsi. 1344 isch er Kanonikus z Mézières-en-Brenne worde. Er isch vermuetlig um 1360 bzw. noch 1350 gstorbe.

Er isch äine vo de iiflussriichste Muusigtheoretiker vo dr Ars Nova gsi. Er het d Muusig under mathematische Aspäkt aagluegt. Sini Hauptwärk im Gebiet vo dr Muusigtheorii si d Musica practica und d Musica speculativa gsi. Er het mathematischi Schrifte wie s Quadripartitum numerorum vo 1343 verfasst und si Schrift über d Kaländerreform vo 1317. Er isch bim Babst Clemens VI. für e Kaländerreform iidräte. Er het e elementars Leerbuech für d Arithmetik gschriibe, wo bis ins 16. Joorhundert brucht worde isch. In sim mathematische Hauptwärk Quadripartium numerorum (in vier Büecher) erwäänt er d Dezimalbrüch, het sä aber nid süstematisch entwigglet. Im 2. Buech behandlet er kwadratischi Gliichige und spezielli kubischi Gliichige. ER het s im Philippe de Vitry gwidmet.

Schrifte

Muusig

• Musica practica
  • Ulrich Michels Die Musiktraktate des Johannes de Muris, Heft zum Archiv für Muusigwüsseschaft 17, Franz Steiner Verlag 1970 (Notitia artis musicae, Compendium musicae practicae)
• Musica speculativa secundum Boethium abbreviata, Paris, Sorbona (1323) (Kommentar zum Boethius)
  • Christoph Falkenroth Die musica speculativa des Johannes de Muris, Heft zum Archiv für Muusigwüsseschaft 34, Franz Steiner Verlag 1992
• Ars nove musice, 1319
  • veröffentligt in Martin Gerbert Scriptores ecclesiastici de musica sacra, III, St. Blasien, 1784 (ebeso wie anderi musikalischi Schrifte wie Musica speculativa).
• Libellus cantus mensurabilis
• Questiones super partes musice

Mathematik und Astronomii

• Canones tabule tabularum (1321), Manuskript u. a. z Bariis, Wien, Erfurt, Brüssel, Berlin (mit Multiplikazionsdaafele für Hexagesimalzaale für e Konvertierig vo de Alfonsinische Daafele in daas Zaalsüsteem)
  • auch als Tractatus canonum minutiarum philosophicarum et vulgarum, quem composuit Mag. Johannes de Muris Normannus. 1321
• Quadripartitum numerorum (1343), Manuskript z Bariis, Wien
• Arithmetica speculativa (um 1343)
  • Usgoob vom Hubert L. L. Busard, Scientiarum historia, Band 13, 1971, S. 103-132
• Figura inveniendi sinus kardagarum (mit Sinusdaafele noch em Al-Zarquali)
  • Usgoob Maximilian Curtze Urkunden zur Geschichte der Trigonometrie im christlichen Mittelalter, Bibliotheca Mathematica, Serie 3, Band 1, 1900, S. 414-416
• De arte mensurandi (um 1344 nit fertug); mit Hiiwiis ass er d Schrifte vom Archimedes in dr Übersetzig vom Wilhelm von Moerbeke kennt het und e Kapitel über d Kwadratur vom Kräis
  • in Marshall Clagett Archimedes in the Middle Ages, Band 3
• Expositio tabularum Alphonsii
• E Buech über d Kwadratur vom Zirkel isch nit erhalte, es wird in de Canones Tabule Tabularum vo 1321 erwäänt und au e Genealogia Astronomie

Ziträchnig

• Epistola super reformatione antiqui kalendarii (1317)
  • Christine Gack-Scheiding: Johannes de Muris Epistola super reformatione antiqui kalendarii. E Biidraag zur Kaländerreform im 14. Joorhundert (= Monumenta Germaniae Historica. Studie und Teggst, Bd.11). Hannover 1995
• De regulis computistarum, 1337

Litratuur

• Johannes de Muris, bearb. v. H. Leuchtmann u. a. In: Lexikon des Mittelalters, Bd. 5, 1990, Nachdruck Stuttgart 1999, Sp. 591
• Hubert L. L. Busard (Herusgääber): Johannes de Muris De arte mensurandi. A geometrical handbook of the fourteenth century, Boethius, Band 41, Franz Steiner Verlag, 1998
• Georges Sarton Introduction to the history of Science, Carnegie Institution 1947, Band 3, S. 652
• Artikel in Gottwald, Ilgauds, Schlote (Hrsg.) Lexikon bedeutender Mathematiker, Leipzig 1990
• Artikel in Helmuth Gericke Mathematik in Antike, Orient und Abendland, fourier Verlag (zweiter Teilband)
• Emmanuel Poulle: Artikel John of Murs, in Dictionary of Scientific Biography
• Poulle Jean de Murs et les tables alphonsines, Archives d´histoire doctrinale et littéraire du moyen age, Band 47, 1980, S. 241-271

Fuessnoote

Dä Artikel basiert uff ere fräie Übersetzig vum Artikel „Johannes_de_Muris“ vu de dütsche Wikipedia. E Liste vu de Autore un Versione isch do z finde.