Julien Gustave Gagliardini

Dr Julien Gustave Gagliardini (* 1. März 1846 z’ Mìlhüüsa, Elsàss àls Julien Gustave Gaillardin; † 28. Nowamber 1927 z’ Pàriis) ìsch a frànzeescher Mooler un Ätzer gsìì.

Dr Julien Gustave Gagliardini — dàs Foto hàt dr Pierre Petit gnumma

Dialäkt: Mìlhüüserdiitsch

sii Laawa

Dr Julien Gustave Gaillardin ìsch dr Suhn vum Jean Gaillardin un vu dr Marguerite Garde gsìì. Ar ìsch Schialer vum Mooler Claude Soulary z’ Pàriis gsìì un hàt d’rnooh biim Léon Cogniet àn dr Pàriiser Hoochschüal fìr Scheena Kunscht gschtudiart. Ar hàt z’äärscht Figuura gmolt. Ànna 1869 hàt’r àm Salon vu da frànzeescha Kìnschtler ìn Pàriis siina Porträä un Kriagsgmälda-n-üssgschtällt.

Vu da 1880. Joohra àà hàt’r numma Làndschàfta gmolt, bsunderscht Làndschàfta-n-üss Süüdfrànkrììch. Siina Wark hàt’r ànna 1898 un 1904 àm Salon vu Schtroossburi üssgschtällt, un àui àn dr Mìlhüüser Kunschtgsällschàft vu 1883 bis 1972. Siina Gmälda hann m’r àui ìn üsslandischa Schtädt känna sah, wia z’ Wien, z’ Venedig, z’ Mìncha, z’ Rom un z’ Amsterdam. Dr frànzeescha Schtààt hàt mehrmols siina Wark kàuift, wia Coup de midi, Provence ànna 1880, Plein midi, Auvergne ànna 1891 un À Venise ànna 1913. Àn dr Waltüssschtällung vu 1889 hàt’r a Sìlwermedàlia bikumma, wia àui guldiga Medàlia àn dr Waltüssschtällung vu 1900. Ànna 1893 ìsch’r Ritter vu dr Ehralegioon worra.

Dr Gagliardini ìsch Mìtglììd ìn dr Frànzeescha Kìnschtlergsällschàft gsìì.

a Üsswàhl vu siina Wark

• Pécheresse („Sìndigra“)
• La rive heureuse („S’ glìckliga-n-Ufer“)
• Les Oliviers de Beaulieu („Eeläpfelbaim z’ Baulieu“)
• La montagne fleurie („Dr Barg mìt Blüama“)
• Le Lac de Côme („Comer See“)
• Le Lac de Lugano („Luganersee“)
• Crépuscule („Dämmerung“), Eel uff Liinwànd, Musée d’Évreux bii Pàriis
• Paysage („Làndschàft“), Müsee vu da Scheena Kunscht z’ Marseille
• Le quai marchand à Toulon, Müsee fìr modärna Kunscht z’ Le Havre
• Paysage à Laguépie („Làndschàft z’ Laguépie“), Musée Baron Gérard z’ Bayeux
• Village au bord de la Méditerranée („Dorf àm Mìttelmeer“), Musée Gassendi z’ Digne-les-Bains
• Circourt, Museu Antônio Parreiras z’ Rio de Janeiro

• 
  Village au bord de la méditerranée
• 
  Circourt

Lìteràtüür

• Raymond Oberlé: Julien Gustave Gagliardini (pseud. de Gaillardin). In: Nouveau dictionnaire de biographie alsacienne. Band 12. Fédération des Sociétés d’Histoire et d’Archéologie d’Alsace, S. 1096 (französisch, alsace-histoire.org [abgerufen am 5. April 2023]). 
• Hélène Braeuener: Gagliardini. In: Les Peintres de la baie de Somme : autour de l'impressionnisme. La Renaissance du Livre, Tournai 2001, ISBN 2-8046-0554-X, S. 60–61 (französisch). 

Weblìnks

 Commons: Julien Gustave Gagliardini – Sammlig vo Multimediadateie

• dr Julien Gustave Gagliardini bii AGORHA (frànzeesch)
• Wark vum Julien Gustave Gagliardini bii dr Bridgeman Art Library (anglisch)
• Wark vum Julien Gustave Gagliardini bii ArtUK (anglisch)
• dr Julien Gustave Gagliardini ìn Le Delarge (frànzeesch)

Dä Artikel basiert uff ere fräie Übersetzig vu dere Version vum Artikel „Julien_Gustave_Gagliardini“ vu de französische Wikipedia. E Liste vu de Autore un Versione isch do z finde.