Kabinett Geiß I
S Kabinett Geiß I (offiziäll Badische vorläufige Volksregierung[1]) isch vum 10. Novämber 1918 bis 1. April 1919 d Landesregierig vu Bade gsii.
In dr Nacht vum 9. uf dr 10. Novämber hän z Kallsruh dr Soldaterot un dr Wohlfahrtsuusschuss, wu dur dr Kallsruher Burgermaischter Karl Siegrist ins Läbe gruefe woren isch, zäme dagt un si uf e provisorischi Regierig gainigt.[2]
Am 5. Jäner 1919 isch d Wahl zur badische verfassiggebende Nationalversammlig gsii, wu si am 15. Jänner uf ire erschte Sitzig konschtituiert het.[3] Wel d USPD do kai Mandat kriegt het, hän däre iri Minischter am 8. Jänner ire Ruggdritt us dr provisorische Regierig verchindet[4] un s sin die Regierigsmitglider vu sällene Barteie blibe, wu um des Zyt au z Gsamt-Dytschland di sognännt Weimarer Koalition bildet ghaa hän, di link SPD, s katholisch Zäntrum un di Liberale.
S Ressort Sozials isch em Minischterium fir Ibergangswirtschaft un Wohnigswäse zuegornet wore. S Minischterium fir militerischi Aaglägehaite isch em Minischterbresidänt Geiß unterstellt wore.
| Amt | Name | Bartei |
|---|---|---|
| Bresidänt[5] | Anton Geiß | SPD |
| Ussers | Hermann Dietrich | NLP |
| Inners | Ludwig Haas | Fortschritt |
| Juschtiz | Ludwig Marum | SPD |
| Unterricht | Friedrich Stockinger | SPD |
| Finanze | Joseph Wirth | Z |
| Militer | Johannes Brümmer bis 8. Jänner 1919 Anton Geiß gschäftsfierend |
USPD SPD |
| Sozials | Adolf Schwarz bis 8. Jänner 1919 | USPD |
| Ibergangswirtschaft un Wohnigswäse | Philipp Martzloff | SPD |
| Verchehr | Leopold Rückert | SPD |
| Ernehrig | Gustav Trunk | Z |
Literatur ändere
- Martin Furtwängler: Ministerlisten. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 5: Wirtschafts- und Sozialgeschichte seit 1918, Übersichten und Materialien, Gesamtregister. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2007, ISBN 978-3-608-91371-2, S. 483.
Fueßnote ändere
- ↑ lueg Badisches Gesetzes- und Verordnungs-Blatt 1918 Nr. 64
- ↑ lueg Gerhard Kaller: Baden in der Weimarer Republik. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 4: Die Länder seit 1918. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2003, ISBN 3-608-91468-4, S. 25.
- ↑ Badisches Gesetzes- und Verordnungs-Blatt vom 10. Januar 1919
- ↑ Mitteilung mit dem text der Rücktrittserklärung in der Karlsruher Zeitung. Badischer Staatsanzeiger vom 9. Januar 1919
- ↑ Verornige sin unterzaichnet mit Geiß Präsident
.svg){kind=small}
|
Dä Artikel basiert uff ere fräie Übersetzig vu dere Version vum Artikel „Kabinett_Geiß_I“ vu de dütsche Wikipedia. E Liste vu de Autore un Versione isch do z finde. |