Kabinett Wagner (Bade)

S Rychskommissariat Wagner isch vum 10. Merz 1933 bis 6. Mai 1933 d Landesregierig vu Bade gsii.

Mit em Glychschaltigsgsetz hän d Länder iri Suweränitet verlore. Am 8. Merz 1933 het dr Rychsminischter vum Innere Wilhelm Frick d badisch Landesregierig unterrichtet, ass er d Verordnung des Reichspräsidenten zum Schutz von Volk und Staat vom 28. Februar 1933[1] aawände un dr Robert Wagner (NSDAP) as Rychskommissar fir Bade ernännt heeb.[2]

Am 9. Merz 1933 het dr Wagner en Ufruef an s badisch Volk erloo[3] wun er din verchindet het, ass d Rychsregierig ihm dr Ufdrag gee heeb, di ganze Befugnis vu dr eberschte badische Landesbeherde z ibernee.

Am 10. Merz isch s Kabinett Schmitt III zruggdrätte, d Mitglider hän aber d Regierigsgschäft bis zue dr negschte Landdagssitzig am 14. Merz welle wyterfiere. Am 11. Merz het dr Wagner s Staatsminischterium bsetze loo un dr Regierig jedi wyteri Amtshandlig verbote. D Landdagssitzig isch abgsait wore.[4]

Am 19. April 1933 het dr Rychskommissar Wagner s Gesetz. Neubildung der Ministerien erloo.[5] Dodermit sin s Kultus- un s Juschtizminischterium zämeglait wore.

Amt Name Bartei
Rychskommissar
Inners
Robert Wagner NSDAP
Juschtiz Johannes Rupp bis 18. April 1933
Otto Wacker
NSDAP
Kultus un Unterricht Otto Wacker NSDAP
Finanze
ab 19. April 1933 Finanz- un Wirtschaftsminischterium
Walter Köhler NSDAP
Kommissar zur bsundere Verfiegig (Bolizeiwäse) Karl Pflaumer NSDAP
Hilfskommissar Paul Schmitthenner
Ernst Hildebrand
DNVP
Stahlhelm

Literatur ändere

  • Martin Furtwängler: Ministerlisten. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 5: Wirtschafts- und Sozialgeschichte seit 1918, Übersichten und Materialien, Gesamtregister. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2007, ISBN 978-3-608-91371-2, S. 486.
  • Frank Engehausen, Katrin Hammerstein, Ulrike Falkner, Elli Plett, Landeszentrale für politische Bildung Baden-Württemberg (Hrsg.): Baden 1933. Die nationalsozialistische Machtübernahme im Spannungsfeld von Landes- und Reichspolitik. Stuttgart 2017, ISBN 978-3-945414-40-8. (pdf)

Weblink ändere

Fueßnote ändere

  1. Reichstagsbrandverordnung
  2. lueg Gerhard Kaller: Baden in der Zeit des Nationalsozialismus. S. 155.
  3. lueg Freiburger Zeitung. 10. Merz 1933
  4. Landeszentrale für politische Bildung Baden-Württemberg (Hrsg.): Baden 1933. Die nationalsozialistische Machtübernahme im Spannungsfeld von Landes- und Reichspolitik. Stuttgart 2017, ISBN 978-3-945414-40-8, S. 10. (pdf)
  5. Gesetz. Neubildung der Ministerien. In: Badisches Gesetz- und Verordnungs-Blatt. Nr. 24 vum 19. April 1933.


  Dä Artikel basiert uff ere fräie Übersetzig vu dere Version vum Artikel „Kabinett_Wagner_(Baden)“ vu de dütsche Wikipedia. E Liste vu de Autore un Versione isch do z finde.