dr Karneval z Venedig

Dr historischi Karneval z Venedig isch mit sine Larve, Dierkämpf, Herkulesspiil und Füürwärk dr bekanntisti Karneval z Italie näbe deene vo Floränz und Rom. Dr Karneval het an de italiänische Fürstehööf aagfange, isch sit em Spootmiddelalter immer prunkvoller und ufwändiger worde. Im Allgemäine goot s Fest vo Epiphania (6. Januar) bis zum Aafang vo der Fastezit am Aschermittwuch.

Dr Ursprung vom Karneval goot uf d Saturnalie in dr Antike zrugg und uf d Brüüch und Festligkäite vo vor dr Fastezit im spoote Middelalter. Z Venedig wird dr Karneval zum erste Mol in dr Chronik für 1094 vom Doge Vitale Falier erwäänt. Dr Chronist Martino da Cànal isch dr erst gsi, wo im 13. Joorhundert vo Larve am ene Zumftumzug gschriibe het. Zur Zit vom Giacomo Casanova im 18. Joorhundert het dr Karneval si grössti Bracht empfaltet, und au d Sitte si immer lugger worde. Bis 1797 het mä jedes Joor dr Siig vo Venedig über Aquileia im Joor 1162 gfiirt. Z Venedig hät me de Karneval vom Stefanstag (26. Dezember) a gfyred. Bis 1796 hät me während de Uufahrt nomol e chlyners Fest aaghänkt.

Weblingg

Commons: Karneval z Venedig – Sammlig vo Multimediadateie

carnevale.venezia.it di offizielli Website (italiänisch und änglisch)
carnivalofvenice.com en anderi Website (italiänisch und änglisch)
costumi.de e Website mit de meistprämierte Gostümgruppe vom Karneval z Venedig

Bildli vom Karneval z Venedig

Dä Artikel basiert uff ere fräie Übersetzig vum Artikel „Karneval_in_Venedig“ vu de dütsche Wikipedia. E Liste vu de Autore un Versione isch do z finde.