Kars

Kars isch e Stadt im Nordoste vo de Türkei und d Hauptstadt vo de Provinz Kars. D Stadt het e Bevölkerig von öppe 100 tuusig Mensche. Iri Hauptmerkmaal sind d Festig, won im 12. Joorhundert baut worden isch, und d Bauwiis von ire Steihüüser, won i de Ziit vo de Russeherrschaft entstande sind.

Kars
Kars (Türkei) Kars Kars
Koordinate	40° 36′ N, 43° 6′ O40.643.1
Basisdate
Staat	Türkei
Höchi	1768 m
Iiwooner	102.001 (2019)
Poschtleitzahl	99000
Website	www.kars.bel.tr
Politik
Burgermeischter	Ayhan Bilgen
D Festig vo Kars D Festig vo Kars

Geographi

D Stadt Kars ligt ufere Höchi vo 1.768 m. Si isch 40 km entfert vo de Grenze zu Armenie und 170 km entfernt vo Erzurum, de nächste türkische Groosstadt. Wägen ire höche Laag wiit weg vom Meer het d Stadt es Kontinentalklima. Z Kars wird es also im Winter seer chalt und im Sumer nöd bsunders warm.

Gschicht

D Regioon um d Stadt Kars umen isch scho i de Steiziit besiidelt gsi. Di erschte schriftliche Quellene stammed usem Urartäische Riich (9-6. Jh. v. Ch.). Unde de Bagratide isch Kars d Hauptstadt vom Fürstetuum Vanand gsi. Im 16. Joorhundert isch d Regioon vo de Osmane eroberet worde. Sit däm isch Kars mehreri Mool vo de Perser oder vo de Russe aagriffe worde. Im Joor 1878 händ d Russe sich d ganzi Regioon vo Kars aageignet. Die 40 Joor unde de Russeherrschaft händ s Stadtbild präggt. Naach de Russische Revolutioon und em Erschte Wältchrieg händ muslimischi Nationaliste z Kars en unabhängigi Republik (di Südwäscht-Kaukasische Republik) gründet, won aber glii ufglöst worden isch. Bis 1920 isch Kars en Teil vo de Armenische Republik gsi; sit däm ghört d Stadt de Türkei.

Infrastruktur

D Stadt Kars het en Flueghafe (KSY), wo mer naach Istanbul, Izmir oder Baku cha fliege. Mängisch hets au Flüüg naach Dütschland.

Kultur und Turismus

D Ruine vo Ani, e grossi, alti Stadt, wo sitem 14. Joorhundert leer stoot, isch nöd wiit vo Kars entfernt und isch es wichtigs turistischs Ziil.

Weblink

 Commons: Kars – Sammlig vo Multimediadateie

• Stadtfüehrer vo Kars uf de Websyte vo dr Uni (engl.)