Katharina Schultens

D Katharina Schultens (* 1980 z Kirche an dr Siig) isch e dütschi Schriftstellere.

d Katharina Schultens 2011

Lääbe

D Schultens isch z Betzdorf (Rhiiland-Pfalz) ufgwaggse, und het dört 1999 am Freiherr-vom-Stein-Gümnasium s Abitur gmacht. Denn het si z Hildeshäim, z St. Louis und z Bologna Kulturwüsseschafte stzudiert. Sit 2006 schafft si an dr Humboldt-Uniwersidäät z Berlin. Dört isch si vo 2012 bis 2021 Gschäftsfüerere vo dr School of Analytical Sciences Adlershof (SALSA) gsi. Sit September 2022 läitet si s Berliner Huus für Poesi.

Si het sit 1998 Lüürik veröffentligt und poetologischi Teggst in Zitschrifte (u. a. in Bella triste, randnummer, Ostragehege, Sprache im technischen Zeitalter) und Anthologie (Lyrik von Jetzt 2, Neubuch u. a.). Sit 2004 si au vier Lüürikbänd und zwäi Essey erschiine. Vo 2007 bis 2009 isch si Mitgliid im Forum der 13 gsi. Iiri Teggst si uf Änglisch, Russisch, Spanisch und Tschechisch übersetzt worde.

Bim Ingeborg-Bachmaa-Briis 2019 het d Katharina Schultens am erste Daag bim „Wettlääse“ mit eme Uszuug us iirem Roman „Urmünder“ täilgnoo.

Uszäichnige

• 2005 Martha-Saalfeld-Förderpreis
• 2007 Förderpreis zum Georg-K.-Glaser-Preis
• 2009 Förderpreis zum Kunstbriis Rhiiland-Pfalz
• 2013 Leonce-und-Lena-Preis im Raame vom Literarische Merz 2013
• 2014 Zwäiti Briisdräägere bim lauter niemand-Preis für politische Lyrik IV
• 2015 Briisdrääger vom Spycher: Literaturpreis Leuk
• 2019 Aarbetsstipändium für Litratuur vom Berliner Senaat
• 2019 Baasler Lüürikbriis

Publikazioone

• Aufbrüche. Gedichte. Rhein-Mosel-Verlag, Zell/ Mosel 2004, ISBN 978-3-89801-202-7
• gierstabil. Gedichte. Luxbooks, Wisbade 2011, ISBN 978-3-939557-95-1
• gorgos portfolio. Gedichte. kookbooks, Berlin 2014, ISBN 978-3937445618
• Geld. Eine Abrechnung mit privaten Ressourcen. Verlagshuus Berlin, Edition poeticon, Berlin 2015, ISBN 978-3945832042
• So oder so, an der Naht entlang. Zu Marina Zwetajewa. Zwiesprachen – eine Reihe der Stiftung Lyrik Kabinett Münche. Verlag Das Wunderhorn, Häidelbärg 2016, ISBN 978-3-88423-542-3
• Cloudpoesie. Dichtung für die vernetzte Gesellschaft. Ergebnis einer Workshop-Performance mit Andreas Bülhoff, Martina Hefter, Georg Leß, Katharina Schultens, Andreas Töpfer, Charlotte Warsen, bearbäitet vom Tristan Marquardt. mikrotext, Berlin 2016, ISBN 978-3-944543-34-5.
• untoter schwan. Gedichte. kookbooks, Berlin 2017, ISBN 978-3937445885.

Weblingg

• Verlagswebsite über d Katharina Schultens uf kookbooks
• Verlagswebsite über d Katharina Schultens uf Luxbooks
• Wunschmaschine Sprache, Rezension über dr Katharina Schultens iir „gierstabil“ uf ZEIT Online vom 6. Juli 2011
• Denken in Matrixstrukturen, dr Michael Braun über nöiji Gedicht vo dr Autorin vom 2. September 2011
• Gespräch mit Katharina Schultens und Tobias Roth zum Leonce-und-Lena-Preis (Memento vom 10. Juni 2013 im Internet Archive), geführt mit Knut Cordsen im Bayerischen Rundfunk vom 25. März 2013
• „Ich war Teil keiner Kalkulation.“ Die Dichterin Katharina Schultens überquert den „Bärenmarkt“ Michael Braun über neue Gedichte der Autorin in Heft Nr. 207 der Zeitschrift Sprache im technischen Zeitalter, S. 350–351, September 2013
• Differenzen mit Luhmann, Rezension von Walter Fabian Schmid über Katharina Schultens' „gorgos portfolio“ im Signaturen-Magazin vom 10. März 2014
• „Katharina Schultens' GORGOS PORTFOLIO“. Rezensioon vom Alban Nikolai Herbst uf em Alban Nikolai Herbst#Weblog „Die Dschungel. Anderswelt“, 22. April 2015. Zerst erschiine bi Volltext 4/2014 under em Ditel „Insider-Trading, lyrisch“.

Fuessnoote

Dä Artikel basiert uff ere fräie Übersetzig vum Artikel „KatharinaSchultens“ vu de dütsche Wikipedia. E Liste vu de Autore un Versione isch do z finde.