Dr Baasler Lürikbriis
| Dialäkt: Baseldütsch |
Dr Baasler Lürikbriis isch e Litraturbriis für Lüriker, wo jedes Joor im Raame vom Internazionale Lürikfestiwal Baasel vo de Mitgliider vo dr Baasler Lürikgrubbe (Stand 2014: Urs Allemann, Rudolf Bussmann, Ingrid Fichtner, Wolfram Malte Fues, Rolf Hermann und Kathy Zarnegin) an Kollege vergee wird. Er will e Zäiche für d Anerkennig vo dr sproochligi Innovazioonschraft si und für e „Muet, gegen e Stroom z schwümme“. Au söll er bedütendi lürischi Stimme ere bräitere Öffentligkäit bekanntmache.[1]
Dr Briis isch mit 10'000 SFr dotiert und wird mit dr Understützig vo dr Gsellschaft für s Guete und Gmäinnützige Baasel (GGG) finanziert. D Verleijig findet im Litratuurhuus Baasel statt.
Gschicht
ändereD Baasler Lürikgrubbe het sich in de 1990er Joor bildet, wo sich e baar Lüriker, wo sich kennt häi, zämmedoo häi.
S Internazionale Lürikfestiwal isch us ere Iniziative vo dr Grubbe ane 2003 entstande, wo die Kolleege zun ere Lääsig häi afo iilaade. 2008 isch dr Baasler Lürikbriis zum erste Mol vergee worde und sit 2009 findet s Festiwal an drei Dääg am Ändi vom Januar im Litraturhuus Baasel statt. D Organisazioon übernimmt d Katrin Eckert, wo s Litratuurhuus läitet.[2]
Zu de Veraastaltige vom Festiwal ghööre näbe dr Verleijig vom Lürikbriis Lääsige, en interdisziplinärs Podium, e Groossveraastaltig mit eme internazional bekannte Lüriker, e Hommaasch für e doote Lüriker und Grubbe für s Schriibe vo Lürik und Diskutiere drüüber in Zämmenaarbet mit dr Volkshoochschuel Baasel.
Briisdrääger
ändere- 2008: Kurt Aebli[3]
- 2009: Felix Philipp Ingold[4]
- 2010: Werner Lutz[5]
- 2012: Klaus Merz[6]
- 2013: Elisabeth Wandeler-Deck[7]
- 2014: Anja Utler[8]
- 2015 José F. A. Oliver[9]
- 2016 Ron Winkler[10]
- 2017 Walle Sayer
- 2018 Dagmara Kraus
- 2019 Katharina Schultens
- 2020 Eva Maria Leuenberger[11]
- 2021 Hans Thill
- 2022 Nadja Küchenmeister
- 2023 Anna Hetzer
Weblingg
ändere- Offizielli Website vom Internazionale Lürikfestival Baasel
- Biidrääg zum Baasler Lürikbriis in dr Lyrikzeitung
Fuessnoote
ändere- ↑ Medienmitteilung Lyrikpreis/Festival 2014 (PDF)
- ↑ Internationalen Lyrikfestivals Basel/Geschichte des Festivals
- ↑ Basler Lyrikpreis 2008 an Kurt Aebli, abgrüeft am 6. Juni 2016
- ↑ Basler Lyrikpreis 2009 an Felix Philipp Ingold, abgrüeft am 6. Juni 2016
- ↑ Basler Lyrikpreis 2010 an Werner Lutz, abgrüeft am 6. Juni 2016
- ↑ Basler Lyrikpreis 2012 an Klaus Merz, abgrüeft am 6. Juni 2016
- ↑ Basler Lyrikpreis 2013 an Elisabeth Wandeler-Deck, abgrüeft am 6. Juni 2016
- ↑ Basler Lyrikpreis 2014 an Anja Utler, abgrüeft am 6. Juni 2016
- ↑ Buchmarkt.de vom 26. November 2014: Basler Lyrikpreis für José Oliver, abgrüeft am 30. Novämber 2014
- ↑ Basler Lyrikpreis 2016 an Ron Winkler, abgrüeft am 6. Juni 2016
- ↑ Basler Lyrikpreis 2020 geht an Eva Maria Leuenberger. Abgruefen am 19. November 2019 (Schwiizer Hochtüütsch).