Katrin Lang (Wyycheenigi)
D Katrin Lang (* 4. Juli 1999 z Ebringe am Schyymbeg, Baade-Wiirttebäärg)[1] isch di 74. Dytsch Wyycheenigi. Si stammt wie iri Voorgängeri Sina Erdrich us dr Wyyregioon Baade.
Lääbe
ändereD Lang stammt us ere Räbuurefamilie. No dr Schuel het si Räbbyyri gleert am Staatswyyguet z Fryybeg un ab 2019 het si Räbböu & Oenology am Wyycampus z Naistadt an dr Wyystrooß studiert.[2] Si schafft in eme Haiderschemer Wyyguet im Maarkgreeflerland as Oenoloogi un Räbbyyri.[3]
Am 21 Juuni 2021 isch d Lang zur 71. Baadischi Wyycheenigi gweelt woore.[4] Wyybrinzässene sin d Victoria Lorenz (Ortenau) un d Michaela Wille (Tauberfranken) gsii. In irem Amt het d Lang e Hilfsakzioon fir d Opfer vu dr Hoochwasserkataschtroof 2021 im Ahrdaal organisiert.
Am 30. Septämber 2022 isch d Katrin Lang derno im Saalböu z Naistadt an dr Wyystrooß zur Dytsche Wyycheenigi gweelt woore. Bi dr Wahl 2022 hän zum eerschte Mool d Fäärnseh-Zueschauer*ne un s Publikum bi dr Entschaidig chenne mitmache. Doodermit isch d Lang di eerscht Wyycheenigi, wu mit Hilf vu Zueschauerstimme gweelt wooren isch. Zue ire Wyybrinzässene sin d Luise Böhme us dr Wyyregioon Saale-Unstrut un d Juliane Schäfer us dr Wyyregioon Rhyyhesse gweelt woore.[3] D Lang isch di eerscht Dytsch Wyycheenigi vu Ebringe syt 25 Johr; di letscht Ebringeri im Amt isch 1997/98 d Natascha Thoma gsii.[5]
Fueßnote
ändere- ↑ Deutsches Weininstitut GmbH: Katrin Lang (Baden). In: deutscheweinkoenigin.de. Abgruefen am 22. Januar 2023.
- ↑ SWR Aktuell: Deutsche Weinkönigin aus Ebringen: "Wahnsinnig, hätte ich nicht erwartet!" In: swr.de. 1. Oktober 2022, abgruefen am 22. Januar 2023.
- ↑ 3,0 3,1 Deutsches Weininstitut GmbH: Weinkönigin Katrin Lang. In: deutscheweinkoenigin.de. Abgruefen am 22. Januar 2023.
- ↑ Katrin Lang ist die 71. Badische Weinkönigin 2021/22. In: rebeundwein.de. Abgruefen am 22. Januar 2023.
- ↑ SWR Aktuell: Weinbaugemeinde Ebringen empfängt und ehrt seine Weinkönigin. In: swr.de. 8. Oktober 2022, abgruefen am 22. Januar 2023.