Kernburg

D Kärnburg (au Hauptburg, Hoochburg oder inneri Burg) isch bi gröössere Burge dää Däil, wo dur e Vorburg, e Zwinger, Grääbe, e Ringmuure und anderi Ussewärk bsunders stark gsicheret isch und eso dr Kärn von ere middelalterlige Weeraalaag gsi isch.

E Vorburg und Kärnburg am Bischbil vo dr Burg Alttrauchburg

Si het die wichdigste herrschaftlige Woon- und Weerbaute umfasst wie z. B. dr Saalbau, dr Palas, dr Woondurm und dr Bärgfriid. Mäistens befindet sich in däm Beriich au dr Burgbrunne oder d Zistärne, wil Wasservorrööt in dr Vergangehäit bsundrigs wichdig gsi si, zum e Belaagerig chönne überstoo.

Gwöönlig isch d Kärnburg dr eltisti Däil von ere Burgaalaag, wil dört sälli Geböid si, wo mä as ersti baut het. Vilmool het si Dürm an de Site, vo wo us mä d Ringmuure und s Burgdoor dur Beschuss vo dr Site här het chönne verdäidige.

Bi komplexe Burgaalaage het s in dr Middi vo dr Hauptburg hüfig e Burghoof ghaa, wo e zentraale Laagerblatz und – wenn er grooss gnueg gsi isch – au e Durnierblatz gsi isch. Zrings umenume si die verschidnige Geböid gstande.

D Bezäichnig Hochburg chunnt vo doo, ass d Kärnburg bi Höheburge und im Fall vo Wasserburge mäistens hööcher glääge isch as d Vorburg.

Litratur

• Horst Wolfgang Böhme, Reinhard Friedrich, Barbara Schock-Werner (Hrsg.): Wörterbuch der Burgen, Schlösser und Festungen. Philipp Reclam jun. GmbH & Co., Stuttgart 2004, ISBN 3-15-010547-1

Dä Artikel basiert uff ere fräie Übersetzig vum Artikel „Kernburg“ vu de dütsche Wikipedia. E Liste vu de Autore un Versione isch do z finde.