De Kobe Bean Bryant [ˈkoʊbi ˈbiːn ˈbɹaɪənt] (* 23. August 1978 z Philadelphia, Pennsylvania; † 26. Jänner 2020 z Calabasas, Kalifornie) isch en US-amerikanische Basketballspiler gsi.

De Kobe Bryant (2015)

Syni Eltere hend em de Name nach em Kobe-Steak us Kōbe, Japan, ggää, will si das uf ere Restaurant-Spiischarte gläse hend.[1] Über syni Eltere isch er z Pennsylvania zum Basketball cho. I de Chindheit het er mit de Familie es paar Jahr z Italie gläbt, wo sy Vatter gspilt het. D High School het er denn wider zrugg i den USA bsuecht. Mit 17i isch er zum NBA-Draft zueglah worde.

De Bryant het i synere ganze Profikarriere (1996 bis 2016) für d Los Angeles Lakers i de NBA gspilt und het mit ihne füüf Meisterschafte gwunne. Vo 1999 bis 2013 isch er ununderbroche is All-NBA Team, d Uswahl vo de beste Spiler vo de Saison, gwählt worde. 2008 het er d Uszeichnig als wertvollste Spiler (MVP) vo de Regular Season übercho. Mit insgsamt 33.643 Pünkt staht er i de Liste vo de erfolgrychste NBA-Scorer uf Platz 4. Syni 18 All-Star-Nominierige sind di zweitmeiste in de Gschicht vo de NBA.[2] 2006 isch ihm imene Spil gäge d Toronto Raptors 81 Pünkt, de zweithöchsti Wärt, wo je vomene Spiler erziilt worden isch. Bi de Olympischen Summerspiil 2008 z Peking und 2012 z London het de Bryant mit de US-amerikanische Nationalmannschaft amig d Goldmedaille gwunne. De Kobe Bryant wird hüt als eine vo de beste Basketballspiler vo allne Zyte aaglueget.[3][4]

Für de Animationschurzfilm Dear Basketball het er s Dräibuech gschribe und het 2018 en Oscar i de Kategorie „Beste Animationschurzfilm“ und en Emmy i de Kategorie „Ussergwöhnlichs post-produzierts Grafikdesign“ gwunne.[5][6]

De Bryant isch syt 2001 verhüratet gsi und het mit synere Frau drü Meitli gha. Am 26. Januar 2020 isch de Bryant bimene Helikopterunfall z Calabasas bi Los Angeles ums Läbe cho. Im April 2020 isch er postum i d Naismith Memorial Basketball Hall of Fame ufgnuu worde.[7] Bim Unfall isch syni 13-jährigi, zweitältisti Tochter Gianna mit em Kobe Bryant im Heli gsi und äbefalls tödlich verunglückt. Si hend zäme welle anes Spil vo de Basketballmannschaft vo de Gianna welle flüge.

Literatur ändere

  • Elizabeth Kaye: Ain’t No Tomorrow. Kobe, Shaq, and the Making of a Lakers Dynasty. Chicago 2002. ISBN 0-07-138736-6 (änglisch)
  • Joe Layden: Kobe. The Story of the NBA’s Rising Young Star Kobe Bryant. New York 1998. ISBN 0-06-101377-3 (änglisch)
  • Roland Lazenby: Mad Game. The NBA Education of Kobe Bryant. Chicago 2002. ISBN 0-8092-9605-5 (änglisch)
  • Jeffrey S. Shapiro und Jennifer Stevens: Kobe Bryant. The Game of his life. New York 2004. ISBN 0-9748684-1-8 (änglisch)
  • Roland Lazenby (übersetzt von R. Steiner und A. Flint-Steiner): Kobe Bryant. Der Beste der NBA. Wien, 2020. ISBN 978-3-903183-40-7 (dt.)

Weblink ändere

  Commons: Kobe Bryant – Sammlig vo Multimediadateie

Einzelnachwys ändere

  1. nba.com: Spielerbiographie (Memento vom 6. März 2010 im Internet Archive)
  2. All-Star Game Selections by Player. Abgruefen am 20. April 2020 (änglisch).
  3. Ranking the 25 greatest players in NBA history. 25. Dezember 2017, abgruefen am 20. April 2020 (amerikanischs Änglisch).
  4. All-Time #NBArank: The greatest players ever. 14. Januar 2016, abgruefen am 20. April 2020 (änglisch).
  5. Le Buzz: Kobe Bryant gewinnt Emmy für „Dear Basketball“. Auf: Eurosport—Website; Issy-les-Moulineaux, 9. Mai 2018. Abgrüeft am 30. Mai 2018.
  6. NBA-Legende: Basketball-Star Kobe Bryant gewinnt einen Oscar als Autor. In: welt.de. 5. März 2018, abgruefen am 10. Mai 2020.
  7. NBA-Legende Kobe Bryant posthum in die Basketball Hall of Fame aufgenommen. In: spox.com. 5. April 2020, abgruefen am 10. Mai 2020.
  Dä Artikel basiert uff ere fräie Übersetzig vum Artikel „Kobe_Bryant“ vu de dütsche Wikipedia. E Liste vu de Autore un Versione isch do z finde.