Grizwäg

E Grizwäg isch e Wäg, wu viilmol an ere Wallfahrtskirch aglegt isch un wu sibe, fufzeh, s meischtmol aber viärzeh Statione het.

Ufbau

In bstimmte Abständ uf däm Wäg sin Bilsteckli ufgstellt, diä heißt mer Statione - diä Steckli hän e Bild oder ebis Iigmeislets, wu dr Sinn vu dr Station zeigt. Si zeige dr Liidenswäg vum Jesus Grischtus vu sinere Verurteilig zum Dot bis derte, wun er ins Grab glegt wore isch. Zum Biispiil bi dr Station "Der Jesus gheit zum erschte Mol unter em Griz" zeigt d Darstellig normalerwiis, wiä ner gstolperet oder zämmebroche isch un s schwär Griz uf em lit.

D Stazione-Tafle i de Verena-Kapälle z Magdenau.

E Grizwäg ka aü in ere Kirch sii, in däm Fall sin in gliche Abständ 14 entsprächendi Bilder ufghängt.

D Stazion XII vom Muntlager Chrüzwäg.

Statione

D Theme vu däne Statione sind des, was um dr Jesus noch em Neije Teschtamänt in sinene letschte Stunde gschähne isch:

1. Dr Jesus wird zum Dot verurdeilt
2. Dr Jesus nimmt s Griz uf si
3. Der Jesus gheit zum erschte Mol unter en Griz
4. Dr Jesus begägnet in sinere Mueter
5. Dr Simon vu Cyrene hilft im Jesus, s Griz drage
6. D Veronika längt im Jesus s Schweißduech
7. Dr Jesus gheit zum zweite Mol ani
8. Dr Jesus dreschtet d Fraüe vu Jerusalem
9. Dr Jesus gheit zum dritte Mol ani
10. Im Jesus wäre sini Gleider greiberet
11. Dr Jesus wird ans Griz gnaglet
12. Dr Jesus stirbt am Griz
13. Dr Jesus wird vum Griz ra glupft un uf dr Maria ihre Gähre glegt
14. Dr Jesus wird in s Grab glegt

Bedüütig

Diä Grizwäg solle einzelni oder Gruppe vu Gläibige drzue iilade, sich dr Liidenswäg vum Grischtus vorzstelle un drbii z bätte.

Si Vorbild het dr Grizwäg ürspringlig in dr Via Dolorosa (Schmerzhafti Stroß) z Jerusalem gha.

Dr Grizwäg het - friähjer meh wiä hit - in dr katholische Kirch e großi Roll gspiilt, bi dr Reformiärte un Evangelische wenniger.

Lueg au

Via Dolorosa

Weblink

Commons: Chrüzwäg – Sammlig vo Multimediadateie