Kublai Khan
Kublai Khan, au Qubilai Khan, Kubilai Khan oder Setsen Khan, (* 23. Septämber 1215; † 18. Februar 1294 z Peking) isch en Änkel vom Dschingis Khan gsi. Vo 1260 bis 1294 isch er e bedütende mongolische Herrscher gsi und gliichzitig dr Kaiser vo China und Gründer vo dr Yuan-Dünastii. Dr Kublai isch dr Soon vom Tolui gsi, em vierte Soon vom Dschingis Khan, und e Brueder vom Möngke Khan.
| Kublai Khan | |
|---|---|
| Chan vom mongolische Khaganat Gründer vo dr Yuan Dünastii Kaiser vo China | |
 Bordret vom Kublai Khan us dr Yuan Eera. | |
| Regierigsziit | 5. Mai 1260 – 18. Februar 1294 |
| Chrönig | 5. Mai 1260 |
| Name | Mongolisch: Хубилай Сэцэн хаан Chinesisch： 忽必烈 Setsen Khan (Цэцэн хаан) Tämpelnaame:Shizu (世祖) Postume Naame: Kaiser Shengde Shengong Wenwu(聖德神功文武皇帝) |
| Uf d Wält cho | 23. Septämber 1215 |
| Gstorbe | 18. Februar 1294 (im Alter vo 78) |
| Dodesort | Dadu (Khanbaliq) |
| Begrabe | Burkhan Khaldun, Khentii Province |
| Vorgänger | Möngke Khan |
| Nochfolger | Temür Khan |
| Verhürotet mit | Tegulen, Chabi, Nambui |
Im Kublai Khan si Regierig
ändereDr Kublai Khan isch nid wie s bi de Mongole gääb gsi isch, vo de Brinze zum Groosskhan gweelt worde, sondern het sich sälber dr Ditel gee. Er het dorum immer wider mit Rebellione vo de mongolische Aadlige z due ghaa.
Dr Kublai Khan het vo 1267 bis 1276/79 dr Staat vo dr Südlige Song-Dünastii in Südchina erooberet und het so China noch ere Dülig vo mee as 300 Joor wider veräint. 1271 het er d Yuan-Dünastii lo usrüefe, und het as deren iire erst Kaiser under em chinesische Naame Shizu (元世祖) gherrscht.
1274 und 1281 häi d Mongole zwäimol brobiert, Japan z eroobere, si aber ooni Erfolg bliibe.
Wo dr Kublai gstorbe isch, isch sis Mongoleriich in dr Usdeenig dr grössti Staat in dr Wältgschicht gsi und fast dr ganz öirasischi Kontinänt het drzueghöört. Dank ere effektive zivile Verwaltig, wo mä spööter mit em Begriff Pax Mongolica zämmegfasst het, isch s dr Bevölkerig relativ guet gange.
Litratuur
ändere- John Andrew Boyle: The successors of Genghis Khan. New York/ London 1971.
- Herbert Franke, Denis Twitchett (Eds.): The Cambridge History of China. Vol. 6: Alien regimes and border states 907-1368. Cambridge 1994.
- Morris Rossabi: Khubilai Khan: his life and times. University of California Press, Berkeley/ London/ New York 1988, ISBN 978-0-520-06740-0
- Quirin Engasser (Hrsg.): Grosse Männer der Weltgeschichte. 1000 Biographien in Wort und Bild. Kaiser, Klagenfurt 1987, ISBN 3-7043-3065-5, S. 254.
- Wilhelm Baum: KUBLAI Khan. In: Biographisch-Bibliographisches Kirchenlexikon (BBKL). Band 30, Nordhausen 2009, ISBN 978-3-88309-478-6, Sp. 816–822.
Weblingg
ändere
Commons: Kublai Khan – Sammlig vo Multimediadateie