Kurt Dobler
D´r Kurt Dobler (* 7. April 1907 enn Sduagord-Bad Cannsdadd; † 15. Mai 1979 z Waesdadd-Graoshebbach) isch a Mascheena-Bauingeneer gwäa. 1932 hådd-or āgfanga schwäbische Gedichd zomm schreiba. Nåch-m Zwåeda Wäldkriag hådd-or näabahär vorschiidene Cher dirigird ond Beidräg firr Lokal- ond Fachzeidonga voreffendlichd. 1950 isch sae aersds Gedichdbiachla rauskomma.
.jpg)
Läaba
ändereUffgwaggsa ond enn d Schual ganga isch d´r Kurt Dobler enn Fällbach. 1935 hådd-or d Elise Danner aus Graoshebbach gheiradad. Viir Jår druffnā send-se enn dära ir Hoemed ommzoga. Vo 1932 ā bis 1939 hådd-or enn d´r Cannsdaddor Zeidong ibor 90 Gedicht voreffendlichd. D Gmaende Graoshebbach hådd-m 1957 d Anärkennong als "Verdienter Bürger der Gemeinde Großheppach" vorliija. Am 20. Oktobor 2006 hådd-mor emm Vorānsdaldongssaal vo d´r Waesdeddor Sdaddbibliotheg d´r Nãma "Kurt-Dobler-Saal" gäa.
Biachor
ändere- Fürs Herz ond Gmüat. Schwäbische Gedichte, Knödler-Verlag Reutlingen, 2. Aufl. 1981, ISBN 3-87421-047-2
- Onser Hoimet. Schwäbische Gedichte, Knödler-Verlag Reutlingen 1976, ISBN 3-87421-051-0
- Onder ons gsait. Schwäbische Gedichte, Verlag Conradi, Fellbach 1950
(Liste unvollständig)