Kydonen

D Kydone (altgriechisch: Κύδωνες, Kýdōnes) sind en antiiks Volch gsii, wo im üsserste Weste vo de Insle Kreta glebt hett. Si wered i de Odyssee vom Homer gnennt und wonet deno am Fluss Iardanos und sind ais vo de fööf Völcher, wo uf Kreta lebid. De Strabon het no gschrebe, as d Kydone im Weste vo Kreta wonid und welewääg Uuriiwooner saied, wie d Eteokreter im Oste vo de Insle. D Hoptstadt vo de Kydone isch Kydonia (Κυδωνία) (hütt: Χανιά, Chaniá) und de Eponym isch de Kydon (Κύδων), e Soo vom Hermes. Si hend d Diktynna vereert, e Göttin wo mit de Artemis verschmulzen isch.