Landesgartenschau Nèiburg àm Rhii 2022
| Dialäkt: Mìlhüüserisch |
D Landesgartenschau Nèiburg àm Rhii 2022 hàt vu Àwrìl bis Oktower 2022 stàtt gfunda. S Motto vu dr Verààstàltung hàt gheißa „E Stàdt geht zum Rhii – STADT. LAND. FLUSS.“ [1]
Entwìcklung
ändere
Scho ànna 2011 hàt d Àrwet fer d Umwàndlung vum Rhiiufer z Nèiburg àm Rhii ààgfànga. S „Ìntegriart Rhiiprogramm“, gega d Ìwerschwämmunga dur dr Fluss, hàt sowìeso a güeta Glagaheit fer dàs Bàuiwark brocht. S Projact fer a Làndesgartenschau 2022 ìn Bàda-Wìrtebarg, z Nèiburg àm Rhii, hàt ìm Janner 2011 ààgfànga. D erschta Ergabnis vu dr Umwàndlung hàt ma ìm Friajohr 2015 känna sah.
Da Ort hàt a großa Vorbereitung brüücht, denn noh-n-em Kriag ìsch a Hüffa Kàmpfmìttel do bliiwa lìega; vor em rìchtiga Bàuiwark han 1,5 Tonna Sprangstoff un Munitiona üs em Boda müeßa üssagholt wara.
S Wuhrloch, ehmàlig a eifàch Park, ìsch renoviart worra: Blüema sìn um dr Wèiher pflànzt worra un a Skate-Park ìsch bàuia worra. Vu dr Stàdt, kummt ma jetz dur dr nèia Berthold-Turm ìn dr Stàdtpark àm Wuhrloch.[2]
Vum Frànkrìch har, ìsch d Züegàng uf d Stàdt Nèiburg àm Rhii verbessert worra: d Bàhn fer d Velo vu dr Brucka zwìscha Schàlàmpi un Nèiburg àm Rhii ìsch s Johr vor dr Eräffnung verbreitet worra.
D Üsstellung
ändereD Landesgartenschau 2022 ìsch àm 22. Àwril 2022 vum Winfried Kretschmann erräfnet worra un hàt bis àm 3. Oktower 2022 düürt. Sa ìsch uf ungfahr 40 ha Flächa glaga.
S Elsàss hàt, àls Nochber, a Üsstellung-Pavillon ghàà, fer tourischtischa Werbung, un àn dr Iwèihungsfascht hàt a elsassischa tràditionella Volkstruppa mìtgmàcht un tànzt.
Dr Park ìsch mìt vìel Blüema verziart gsìì, Rawa un Getreida sìn sall Johr pflanzt worra, àlta Obstbaim - wo scho làng do gsìì sìn - han aui zu dr üstellung gheert.
A Strànd àm Ufer vum Rhii ìsch ìnstàlliart worra, mìt Sànd un Stràndkìssa. A Plattform gìtt a Üssìcht uf dr Rhii; a àndera Plattform ìm Gàrta hàt a üssìcht ìwer em gànza Landesgartenschau gaa, dia ìsch noh dr Verààstàltung àbmuntiart worra.
Ìn dam Gàrta hàt ma noch vìel känna bsüecha:
A Stànd hàt Ìmma vorgstellt, mìt'ma Ìmmahüss un pädagogischa Video-Berìchta ìwer dr Ìmkerberüef.
Mehrera Schìlder han nochrìchta ìwer Umwaltschutzthema zeigt, wie dr ökologischa Füeßàbdruck oder s Ìntegriarta Rhiiprogramm. Dr Färschterberüef ìsch ìn zwei Hiisla vorgstellt gsìì. Kleina nàtürella Pools sìn àls Muschter zeigt gsìì.
A groß Zelt ìsch ufbàuia gsìì, as hàt d offiziella Verààstàlltunga un Konzert empfànga.
D Kìnder han vu'ma Spìelplàtz känna profitiara.
A oekumenischa Kìrch ìsch wahrend dr Schau gstànda, wo Gottesdìenscht stàtt gfunda han.
Ìn'ma Wagla wo zum Rhii fiahrt, sìn Schìfffàhrtszeicha üsgstellt un expliziart gsìì.
Bunta gewebta Kunschtstìcker sìn do un därt ìn da Baim ghànka.
A Üsstellung hàt zeigt wia ma Gràbstei uf'ra gànz moderna Àrt kààt harstella.
Fer Warkzig un verschìedena Gschannkla kàuifa, hàt's a pààr Gschafter gaa. Fer assa hàt's Restaurant un Food-Trucks gaa.
-
Blüema -
Getreida -
Rawa -
Schìfffàhrtszeicha un Schìlder -
Üssìchtsplàttform àm Àlta Hàfa
Weblink
ändere
Commons: Landesgartenschau 2022 in Nèiburg àm Rhii – Sammlig vo Multimediadateie