Landesbryys fir Haimetforschig Bade-Wirttebärg

Dr Landesbryys fir Haimetforschig Bade-Wirttebärg (dt. Landespreis für Heimatforschung Baden-Württemberg) wird syter anne 1981 uusgschribe, go byschpiilhafti wisseschaftligi Laischtige vu Mänsche wirdige, wu si ehrenamtli mit eme Biet vu dr Haimetforschig bscheftige.

Kriterie

Mit em Landesbryys wäre Ainzelwärch uuszaichnet, wu uf aigeni Forschig zruggeen. Des mueß dur e Noowys vu dr bruuchte Quälle un dur Literaturhiiwys darglait wäre. D Arbete derfe nit im Zmehang mit ere wisseschaftlige Uusbildig stoo, e jedi Arbet cha nume aimol yygee wäre. Scho mol uuszaichenti Bryydreegerne un Bryysdreeger chenne nit nomol uuszaichnet wäre. Noch em 30. Lääbesjoor chenne si Dreeger*ne vu Juugedfeerderbryys un Schuelerbryys nomol bewäärbe.. Fir dr Schuelerbryys mien di wisseschaftlige Kriterie nit voll erfillt wääre.

Stifter

Iber d Vergaab vum Bryys entschaidet e Jury, wu si us je acht Verdrätter*ne vu dr Stifter zämesetzt. D Stifter vum Bryys sin s Land Bade-Wirttebärg (Minischterium fir Kultus un Sport) un dr Landesuusschuss fir Haimatbflääg.

Schuelerbryys

Zum 50. Geburtsdag vu Bade-Wirttebärg anne 2002 isch vu dr Stifter vum Bryys zuesätzlig e Schuelerbryys gstiftet wore.

Themene

Arbeite zue däne Biet, wu in ere Verbindig zue Bade-Wirttebärg stehen, chenne yygee wäre:

Orts- un Regionalgschicht
Unseri Haimet un d Haimet vu andere
Dytschi Haimetverdribeni: Verluscht vu dr alte Haimet – Neii Haimet Bade-Wirtteäbärg
Tächnikgschicht
Natur un Umwältschutz
Chunschtgschicht
Dorf- oder Stadt-Erneierig
Forschig zue Dialäkt, Theater un Literatur
Forschig zue Bryych un Fescht

Bryys

Hauptbryys: 5.000,- €
Zwee Bryys zue je: 1.300,- €
Juugedfeerderbryys: 1.300,- €
Schuelerbryys: 1.300,- €

Weblink

http://www.landespreis-fuer-heimatforschung.de/.

Dä Artikel basiert uff ere fräie Übersetzig vu dere Version vum Artikel „Landespreis_für_Heimatforschung“ vu de dütsche Wikipedia. E Liste vu de Autore un Versione isch do z finde.