Laskaride

As Laskaride wird d Dünastii vo de byzantinische Kaiser bezäichnet, wo us dr Familie Laskaris (Λάσκαρις) gstammt si und zwüsche 1204 und 1258 z Nikaia residiert häi.

Irene Doukaina Laskarina

Wo d Chrüzfaarer im Joor 1204 Konstantinopel erooberet, s Latiinische Kaiserriich errichdet und dr byzantinisch Kaiser us sinere Hauptstadt verdriibe häi, isch s em Theodor I. Laskaris, em Schwiigersoon vom früenere Kaiser Alexios III., glunge, si Herrschaft z Nikaia z etabliere. Si Noochfolger isch si Schwiigersoon, dr Johannes III. Dukas Batatzes gsi, und däm si Soon Theodor II. het wider dr Naame Laskaris aagnoo. Im Theodor si ummündige Soon Johannes IV. Laskaris isch noch drei Joor vo sim Regänt Michael VIII. us dr Familie Palaiologos abgsetzt worde.

D Dünastii vo de Laskaride z Nicäa

• Theodor I. Laskaris (1204–1222)
• Johannes III. Dukas Batatzes (1222–1254)
• Theodor II. Laskaris (1254–1258)
• Johannes IV. Laskaris (1258–1261)

Familiebezieige

1. NN
   1. Theodor I. Laskaris, Kaiser 1204–1222, ∞ 1) Anna, Dochder vom Kaiser Alexios III., ∞ 2) Philippa, ∞ 3) Marie de Courtenay
      1. Irene ∞ Johannes III. Dukas Batatzes, Kaiser 1222–1254
         1. Theodor II. Laskaris, Kaiser 1254–1258 ∞ Elena Asenina vo Bulgarie, Dochder vom bulgarische Zar Iwan Asen II.
            1. Irene Doukaina Laskarina ∞ Konstantin († 1277) Köönig vo de Bulgare
            2. Maria ∞ Nikephoros Angelos vo Epirus († 1296)
            3. Johannes IV. Laskaris, Kaiser 1258–1261
      2. Maria ∞ Béla IV., König vo Ungarn
      3. Eudokia ∞ Anseau de Cayeux, Regänt vo Konstantinopel
   2. Georg Laskaris
   3. Alexios Laskaris
   4. Isaak Laskaris
   5. Michael Laskaris
   6. Manuel Laskaris

Witeri Familiemitgliider

• Konstantin Laskaris (1434–1501), e byzantinische Gleerte
• Andreas Johannes Laskaris (1445–1534), e byzantinische Gleerte, Übersetzer und Bibliothekar

Litratuur

• E. Trapp: Downfall and Survival of the Laskaris Family, In: Macedonian Studies 1.2, Neu Delhi, 1983, S.45–49
• Prosopographisches Lexikon der Palaiologenzeit, S. 14487–556

Dä Artikel basiert uff ere fräie Übersetzig vum Artikel „Laskariden“ vu de dütsche Wikipedia. E Liste vu de Autore un Versione isch do z finde.