Lasse Linder
Dr Lasse Linder (* 1994 z Sanggalle) isch e Schwiizer Filmemacher.
Läbe und Wärch
ändereDr Linder het bis 2012 d Kantonsschuel Heerbrugg bsuecht.[1] Nochär het er churz Germanistik und Filmwüsseschaft studiert und as Filmeditor gschaffed.
Siini Churzfilm Psilocybin (2015)[2] und Kleinklima (2016)[3] sin bim 72–Sekunde–Online-Filmwettbewerb vom Zurich Film Festival (ZFF 72) zeigt worde. Im Johr 2016 hed er zäme mit em Omid Taslimi dr Dokumentarfilm Be aware and share gmacht, wo d Flüchtlingskrise z Europa ab 2015 zum Thema het.[4]
Vo 2016 bis 2019 het er es Bachelorstudium „Video, Fokusfeld Regie“ a der Hochschuel Lozärn Design & Kunst absolviert.[5] Zudäm het er für d Videoentertainers GmbH gschaffed[6] und isch Leiter vom Beriich Film und Aktuar vo der Ostschwizer Kulturplattform „Kein Kollektiv“ gsi.[7]
2017 het der Linder mit em Maximilian Hochstrasser der Dokumentarchurzfilm Gifted Hearts dräit. Der Film verzellt, wie Schwizer Spezialiste härzchranki Chinder in eme spärlich usgrüstete Spital z Asmara operiere.[8]
2018 het er bim Schwiizer Spilfilm Tranquillo, wo im Früejohr 2018 erschine isch, s Making-of gmacht.[9]
Im gliche Johr het er der 10–minütigi Churzfilm Bashkimi United dräit übere Coiffeur Bashkim, wo mit sine Kunde die grosse Läbesfroge ästhetisch erkundet.[10] Im November 2018 het er für dä Film bi de „22. Kurzfilmtage“ z Winterthur in dr Sparte Preis Schweizer Filmschulentag e «Lobende Erwähnung» übercho.[11] Mit däm 9:55 Minute lange Churzfilm isch er au bim Basler Gässli-Filmfestival aaträtte.[12] Am 2. Dezember 2018, bim 8. Ostschwizer Churzfilmwettbewerb im ehmolige Kino Palace z Sanggalle, hät de Lasse Linder zäme mit em Dejan Barac us Widnau mit em Film Bashkimi United i de Kategorii «über 20 Jahre» de erschti Priis gwunne.[13]
2019 het er der mehrfach uszeichneti Churzfilm Nachts sind alle Katzen grau dräit. Der Film handlet vom Christian, e Maa, wo mit zwei Chatze zämeläbt. Eini vo de Chatze lot er im Usland vomene Kater befruchte, damit er sin unerfüllte Chinderwunsch cha erfülle. Der Film isch es Melodrama, wone unkonventionelli Beziehig zwüsche Mönsch und Tier darstellt.[14][15][16]
Weblink
ändere- Literatur vu un iber Lasse Linder in dr bibliografische Datebank WorldCat
- Lasse Linder in dr Internet Movie Database
- Lasse Linder bi swissfilms.ch
- Publikatione vo und über Lasse Linder im Katalog Helveticat vo dr Schwiizerische Nationalbibliothek
Quelle
ändere- ↑ Lasse Linder: „My everyday is fading away“: the process of creating a short film as a director, cameraman, main actor and editor. Heerbrugg: Kantonsschule Heerbrugg, 2012. OCLC 843150984
- ↑ Psilocybin (2015) uf der Website vom Zurich Film Festival
- ↑ Kleinklima (2017) uf der Website vom Zurich Film Festival.
- ↑ Lucas Huber: «Be Aware and Share»: Berührende Doku über junge Basler Flüchtlingshelfer. (Memento vom 27. Septämber 2016 im Internet Archive) In: TagesWoche, 8. Februar 2016
- ↑ Studierendi 3. Bachelor-Jahr uf de Website vo Design & Kunst a der Hochschuel Lozärn
- ↑ Team (Memento vom 12. März 2017 im Internet Archive) auf filmevent.com
- ↑ „Kollektiv“ (Memento vom 12. März 2017 im Internet Archive) vom Verein „Kein Kollektiv“
- ↑ Gifted Hearts bi swissfilms.ch
- ↑ Crew, tranquillo-film.ch
- ↑ Bashkimi United bi swissfilms.ch
- ↑ Bericht der Jury, 22. Internationale Kurzfilmtage Winterthur, 11. November 2018
- ↑ Schweizer Kurzfilm-Wettbewerb (Memento vom 18. Oktober 2018 im Internet Archive), Gässli-Filfestival 2018
- ↑ Das sind die besten Kurzfilme der Ostschweiz. Artikel uf dieostschweiz.ch vom 3. Dezember 2018
- ↑ Nachts sind alle Katzen grau bi swissfilms.ch
- ↑ THE 27TH HAMPTONS INTERNATIONAL FILM FESTIVAL ANNOUNCES AWARD WINNERS FOR BEST NARRATIVE FEATURE AND BEST DOCUMENTARY FEATURE hamptonsfilmfest.org
- ↑ Award Winners 2019. Archiviert vom Original am 28. Mai 2020; abgruefen am 28. Juni 2020.