Leachfeald

S Leachfeald isch e Schotterebeni sidlig vu Augschburg, wu us Flussablagerige vu dr letschte Yyszyt (Würm) entstanden isch. Si lyt zwische dr Alpefliss Leach un Wertach.

Im Flussberaich zwische Landberg un Augschburg sin no sälteni Lech-Urlandschafte erhalte blibe. D Einzelflechine vu unterschidlige Heide un Druckewase wäre unter em Leachdalheide zämmegfasst. Si handlet sich nume no um 1 % vu dr urspringlige Flechine. Si stehn unter strängem Naturschutz un ghere zue dr arterychschte Läbensryym vu Mitteleuropa.

Gschicht

Bekannt isch s Leachfeald vor allem wäge wichtige Schlachte in dr Zyt vu dr Ungarnyyfell. Wu anne 910 d Ungarn e fränkisch Heer unter em Ludwig em Chind uf em Leachfeald besigt gha hän, het dr Otto I. dr Ungarn anne 955 in dr Schlacht uf em Leachfeald e argi Niderlag byybrocht. Dr Augschburger Historiker Georg Kreuzer vertritt aber d Uffassig, ass mit däm Uusdruck nit s hitig Leachfeald gmeint isch, sundern d Gegnig zwische Augschburg un Genzburg (Roiseschburg).

Vor eb s Leachfeald am Aafang vum 19. Johrhundert zue Bayern chu isch, het s zum Hochstift Augschburg ghert.

Syt dr Remerzyt isch dur s Leachfeald eini vu dr Hauptverchehrsrute zwische Italie un Dytschland gange, d Via Claudia Augusta. Uf dr glyche Trasse verlauft hite zem greschte Deil d Bundesstroß 17 zwische Augschburg un Schongau. Wel die Stroß eso ne große Bedytig gha het, isch die Landschaft „Stroßvogtei“ gnännt wore. Zuen ere Stroßvogtei het urspringlig s Rächt ghert, fir dr Schutz vu dr Stroß Gälder z erhebe. Des Rächt het im 12. Jh. dr Welf VI. gha, e Unkel vum Herzog Heinrich dr Leb, bis dää des Rächt an dr Friedrich Barbarossa verchauft het.

Syt dr 1920er Johr git s uf em Leachfeald z Lagerleachfeald e militärische Flugplatz, dr Fligerhorscht Leachfeald.

48.1710.81

Dä Artikel basiert uff ere fräie Übersetzig vum Artikel „Lechfeld“ vu de dütsche Wikipedia. E Liste vu de Autore un Versione isch do z finde.