Leeds isch e Groossstadt im änglischeMetropolitan CountyWest Yorkshire und dr Kärnort und Verwaltigssitz vom Metropolitan BoroughLeeds. Noch dr Volkszelig het s im Joor 2011 in de innere "built-up area subdivision" vo Leeds, wo im Wääsentlige em County Borough Leeds, wo bis 1974 bestande het, entspricht, 474'632 Iiwooner gha.[1] Dr Metropolitan Borough Leeds, wo d Kärnstadt vo Leeds samt iire Vorort, wo 1974 iigmäindet worde si, umfasst, het 757'655 Iiwooner (Stand 2012).[2]
Leeds isch s kulturelle, finanzielle, gwärblige und sportlige Zentrum vo West Yorkshire, won e Balligsgebiet mit mee as 2,2 Millione Iiwooner isch und vo dr Leeds City Region, ere Metropolregion mit 3 Millione Iiwooner.[3]
