Hauptmenü ufmache
Dialäkt: Baseldütsch

Dr Lienert Friedrich (* 17. Februar 1852 z Baasel, † 7. August 1918 z Baasel) isch e Baasler Archidekt in dr Belle Époque gsi.

LääbeBearbeite

Dr Friedrich isch 1852 as Soon vom Baumäister Lienert Friedrich-Hug z Baasel uf d Wält khoo. 1870 bis 1873 het er am köönigliche Polytechnikum z Stuttgart studiert. 1874 het er e zwäijöörigs Braktikum bi J. Mylius und F. Bluntschli z Frankfurt gmacht und isch Baufüerer am freiherrlige Schloss vo de von Stumm im hessische Holzhuuse worde. 1877/78 het er e Studieräis uf Italie gmacht und het denn e Zitli im Büro vom H. Dubois z Bariis gschafft. Zrugg z Baasel het er 1881 e Baugschäft an dr Dalbeaalaag 36 ufdoo. 1895 het er mit em Mooler Emil Beurmann (1862-1951) e Räis uf Egüpte gmacht und zwäi Joor spööter mit em Beurmann und em Münchner Brofässer Friedrich von Thiersch (1852-1921) uf Spanie und Tanger.

1918 isch dr Lienert Friedrich z Baasel gstorbe.

Dr Lienert Friedrich isch dr Brueder vom Rudolf Friedrich, wo au Archidekt gsi isch.

BauwärkBearbeite

 
S Huus zum Kempfe
  • 1879 e Willa an dr Dalbeaalaag 36, wo sithär abgrisse worde isch
  • 1884 e Willa am Neusatzwäg 3 (jetz BethesdaSpital)
  • 1893/94 d Zumft zu Husgnosse an dr Freije Strooss
  • 1896 Willene an dr Angestäinerstrooss 21 und 23
  • 1897 e Willa an dr Kapällestrooss 29, wo mä abbroche het
  • 1899/1900 e Willa an dr Middlere Strooss 5, wo s nüme git
  • 1903/04 Ängelgass 103-109
  • 1904 s Gschäftshuus «Zum Kempfe» an dr Freie Strooss 69

KwelleBearbeite

LitratuurBearbeite

  • Leonhard Friedrich, Architekt, Basler Heimatschutz, 1992