Levina

D Levina oder au Izza (* 1. Mai 1991 z Bonn as Isabella Levina Lueen) isch e dytschi Sängeri un Songwriteri. Si het am 9. Februar 2017 Dytschland bim Eurovision Song Contest 2017 mit em Song Perfect Life verdrätte.

d Levina, 2017

Lääbe

D Levina isch z Bonn uf d Wält chuu un z Chemnitz ufgwachse. Dert isch si zerscht uf s Dr.-Wilhelm-André-Gimnasium gange un het derno im änglische Cambridge s International Baccalaureate gmacht. Si het Gsang un Komposition an dr Tech Music School (TMS) z London studiert un am King’s College London dr Bachelor gmacht. Si läbt z Berlin un z London, wu si Musikmanagement studiert.

Im Alter vu nyyn Johr het si mit Klavier- un Gsangsunterricht aagfange, 2001 het si dr erscht Bryys bi Jugend musiziert gwunne. Mit ere Aigekomposition het si anne 2006 dr Schuelerwettbewärb vum Sächsische Landdag gwunne un speter mehreri Uuszaichnige am Londoner King’s College, wu si Bandleaderi vu Miss Terry Blue gsii isch.

d Levina mit ere Dytschlandfahne am Änd vu dr Sändig „Unser Song 2017“

Am 9. Februar 2017 het si bi „Unser Song 2017“ mitgmacht, dr dytsche Vorentschaidig zum Eurovision Song Contest 2017, wu am 13. Mai in dr ukrainische Hauptstadt Kiew stattfindet. Doderby het si si gege vier Kandidate duregsetzt.

Am 13. Mai 2017 isch si bim ESC-Finale mit sechs Pinkt uf dr 25. un dodermit vorletscht Blatz chuu.

Im Novämber 2020 het si unter em Chinschtlername Izza d Single Lows uf dr Märt brocht.

Weblink

 Commons: Levina – Sammlig vo Multimediadateie

• Levina: Preisgekröntes Gesangstalent. Websyte vu dr ARD zum Eurovision Song Contest, 6. Jänner 2017.
• Sarah Borufka: Isabella Levina Lueen: Berlins Stimme für den Song Contest. morgenpost.de, 16. Jänner 2017.

Fueßnote

Dä Artikel basiert uff ere fräie Übersetzig vu dere Version vum Artikel „Levina“ vu de dütsche Wikipedia. E Liste vu de Autore un Versione isch do z finde.