Liberius (Bischof vu Rom)

Dr Liberius (lat. fir „dr Frei“; * z Rom; † 24. Septämber 366) isch Bischof vu Rom vum 17. Mai 352 bis zum 24. Septämber 366 gsii.

Liberius (Fantasydarstellig in dr Basilika St. Paul vor dr Muure)

Lääbe un Wirke ändere

Sy Pontifikat isch vum arianische Stryt bregt gsii. Är het urspringli d Position vum Athanasius gege dr Arianismus verdrätte. Wun er dää Standpunkt drotz Drohig nit ufgee het, het en dr arianerfryndli Constantius II., ellainige Chaiser syt 353, anne 355 uf Thrakie verbannt un dr Felix II. zum Gegepapscht gmacht. In dr Verbannig het dr Liberius derno aber Zuegständnis gmacht un het emänd sogar dr Athanasius verurdailt, dodruf het er 358 wider uf Rom chenne retuurchuu. Vier Brief, wun er im Exil verfasst het, sin erhalte.

Dr Liberius isch legitim Papscht, wu nit hailiggsproche wore isch. Mer vermuetet, ass sy Reliquie in aim vu dr Sytenaltär vu dr Basilika Hll. Philippus un Jakobus yybettet sin.[1]

No dr Iberliferig het dr Liberius uf em Esquilin noch eme „Schneewunder“ am Morge vum 5. Augschte 358 d Basilika Santa Maria Maggiore böue loo.

Syni Mahndäg in dr Liturgy sin in dr remisch-kadolische Chilche dr 23. Septämber, in dr orthodoxen Chilche dr 27. Augschte.

Literatur ändere

Weblinks ändere

  Commons: Liberius – Sammlig vo Multimediadateie

Fueßnote ändere

  1. Infobroschüre vu dr Basilika
  Dä Artikel basiert uff ere fräie Übersetzig vum Artikel „Liberius_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.