Dr Julius I. (lat.: us em Gschlächt vu dr Julier; * z Rom; † 12. April 352) isch am 6. Februar 337 noch ere viermonetige Sedisvakanz zum Bischof vu Rom gwehlt wore un het des Amt bis zue sym Dod am 12. April 352 ghaa.

dr Papscht Julius I., Mosaik us em 12. Johrhundert in dr Apsis vu dr Chilche vu Santa Maria in Trastevere, Rom

Mer chännt ihn vor allem fir syni Roll in dr Zyt vu dr arianische Kontroverse.

Wu d Aahänger vum Eusebius vu Nikomedia uf dr Synode vu Antiochia anne 341 d Absetzig vum Athanasius em Große widerholt ghaa hän, hän sdi bschlosse, Delegierti zum weschtremische Chaiser Constans un zum Papscht Julius z schicke. Dr letschter het syni Mainig zuegunschte vum Athanasius verchindet un bodi Barteie yyglade, ihri Fäll ere vu ihm glaitete Synode vorzlege. D Bischef vu dr eschtlige Chilche hän dää Vorlschag aber abglähnt.

Dr Athanasius isch in syre zwote Verbannig us Alexandria uf Rom chuu un isch dert vu dr 342 abghaltene Synode as reguläre Bischof anerkännt wore. Uf em Konzil vu Serdica hän si di 76 eschtlige Bischef, wu derby gsii sin, uf Philippopolis zruggzoge un hän d Absetzig vum Julius, vum Athanasius un andere verchindet. Di 300 weschtlige Bischef hän d Bschliss vu dr remische Synode bstetigt. Dur d Revisionsrächt, wu dr Julius in sym 3., 4. un 5. Dekret Aspriuch druf gsetllt het, un dur d Bsteigung uf däm Konzil isch d Position vum Papschtdum dytli gsterkt wore.

Dr Julius giltet as dääjenig, wu d Chilche Santa Maria in Trastevere un Santi Apostoli z Rom het böue loo. Ä isch s au gsii, wu dr Feschtdag vu dr Geburt Jesu ändgültig uf dr 25. Dezämber feschtglait het.

Är isch z Rom scho frie as Hailige verehrt wore. Sy (katholische) Gedänkdag isch dr 12. April. Är giltet as Schutzpatro] vu dr Latrinerainiger.

Literatur ändere

  • Hans-Udo Rosenbaum: Julius I. In: Biographisch-Bibliographisches Kirchenlexikon (BBKL). Band 3, Herzberg 1992, ISBN 3-88309-035-2, Sp. 808–811.
  • Hans Lietzmann: Iulius 11. In: Paulys Realencyclopädie der classischen Altertumswissenschaft (RE). Band X,1, Stuttgart 1918, Sp. 108–109.
  • Manlio Simonetti: Giulio I. In: Enciclopedia dei Papi. Rom 2000.
  • Ytrag in d Catholic Encyclopedia, Robert Appleton Company, New York 1913 (änglisch)

Weblink ändere

  Commons: Julius I. – Sammlig vo Multimediadateie


  Dä Artikel basiert uff ere fräie Übersetzig vu dere Version vum Artikel „Julius_I.“ vu de dütsche Wikipedia. E Liste vu de Autore un Versione isch do z finde.