Marcus (Bischof vu Rom)

Dr Marcus († 7. Oktober 336) isch im Johr 336 fir e baar Monet Bischof vu Rom gsii. Vor syre Wahl am 18. Jänner isch er Bischof vu Ostia gsii.

Marcus, Darstellig in dr Basilika Sankt Paul vor dr Muure

S wird brichtet, är sei Remer gsii, aber iber sy Läben isch wenig bekannt. S git Hiiwys, ass di frieje Lischte vu dr Bischef un Märtyrer, wu as Depositio episcoparum un Depositio martyrum bekannt sin, in dr Zyt vu sym Pontifikat aaglait wore sin. Noch em Liber Pontificalis soll er au bstimmt haa, ass chimftig dr Bischof vu Ostia dr nei Bischof vu Rom soll weie. Sy Amtszyt lyt in ere Epoche vu heftigem Stryt um dr Arianismus.

Är het z Rom zwoo Basilike böue loo, dr Titulus Marci un Santa Balbina an dr Via Ardeatina. In dr letschtere Chilche isch er begrabe wore.

Dr Feschtdag vum Hailige Marcus isch dr 7. Oktober. Är wird vylmol verwächslet mit em remische Märtyrer Marcus (Fescht 18. Juni), wu au in dr Nechi begraben isch

Literatur

• Manfred Clauss: Marcus. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 781–782.
• Johann Peter Kirsch: Pope St. Mark. In: The Catholic Encyclopedia. Band 9, Robert Appleton Company, New York 1910.

Weblink

 Commons: Marcus I – Sammlig vo Multimediadateie

• Gsamtwärch vu Migne Patrologia Latina mit Inhaltsverzaichnis

Vorgänger Silvester I.

Bischof vu Rom Dr Titel Papscht isch anne 384 zum erschte Mol brucht wore. 336

Nochfolger Julius I.

Dä Artikel basiert uff ere fräie Übersetzig vu dere Version vum Artikel „Marcus_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.