Linux

Linux oder GNU/Linux isch es freis Betriebssystem für Computer. S GNU Projekt isch vom Richard Stallman 1983 gstartet worde u wird itz vo tusige vo freiwillige Programmierer entwicklet. Ab 1991 het dann dr finnisch Programmierer Linus Torvalds dr Linus Kernel entwicklet. Er koordiniert bis hüt d Witerentwicklig vom Linux-Kernel.

Linux oder GNU/Linux
Basisdate
Entwickler	divärsi
Version	5.1 (Kernel) (6. May 2019)
Kernel	monolithische Kernel
Architekture	DEC Alpha, ARC, ARM, AVR32, Blackfin, C6x, ETRAX CRIS, FR-V, H8/300, Hexagon, Itanium, M32R, m68k, META, MicroBlaze, MIPS, mn10300, OpenRISC, PA-RISC, PowerPC, s390, S+core, SuperH, SPARC, TILE64, Unicore32, x86, Xtensa
Lizänz	GPLv2 und anderi

Wil s Linux-Logo, dr Pinguin wo Tux, vum 17. März bis vsl. 17. Juni 2009 en Uszit gnoo het, isch s Linux-Logo in sällere Zit e Tasmanische Deifel gsi, wo Tuz gheisse het.

Ubuntu

Di einzige Bedingige zum s bruuche sind i de GNU-Lizenz beschribe. Drum isch au de ganz Programmcode öffentlich.

Verschideni Distributione

Ursprünglich isch mit Linux nur de Chern vom Betriebssystem gmeint gsi.

Verschideni Firme u Persone mache drum Zämestellige vo Chern u andere freie Programm, sogenannti Distributione, u verchoufe si oder steue si i ds Internet zum abelade.

Di bekanntischte sind:

• Debian GNU/Linux

• Knoppix
• Ubuntu

• Kubuntu
• Edubuntu
• Xubuntu

• Simply Mepis
• Linspire

• Gentoo
• Fedora
• Red Hat
• Mandriva
• SuSE

Distributione underscheided sich vor allem i de Uswahl vo verschidene, ufenand abgstimmte Programm.

Grafischi Oberflächi

Linux wird zwar sehr hüfig für Server igsetzt u dert installiert me kei grafischi Oberflächi, wöu me möglichst wenig Systemuslaschtig vom Betribssischtem här möchti ha. Es brucht natürläch ou viu weniger Platz, wenn mä kei grafischi Oberflächi het (bes zo 8GB weniger) und wenn mäs beherrscht, chame Linux sehr guet mit Texschtbefähle stürä. Aber wer Linux de Heimä wot bruche, verzichtet sälte uf die grafischi Oberflächizum s wie es Windows oder es Mac Betribssischtem isetzä.

Uf em Linux gits ganz viu verschideni grafischi Oberflächine, me cha die öppe mitem Ungerschid zwüsche XP und Vista vergliche; je nach dem, weli das me druf tuet gseht ds Sischtem komplett angers us und es git 100erti. We me Luscht het, chame e grafischi Oberflächi ou säuber compiliiere, das isch nidemau so schwirig, bruucht aber viu Ziit. Eifachi Oberflächinen wie Fluxbox bruuche nid viu Ziit, grossi wie KDE oder GNOME de äbe scho.

Di bekanntischtä grafische Oberflächine si KDE und Gnome, bi de meischte Distributione si beidi mitgliferät, be CD-Distributione wie Knoppix oder Mandriva-One nur eini. Es KDE bruucht meh Platz als es GNOME, drum si GNOMEs be CDs meh verbreitet.

• KDE: Abkürzig für K-Desktop-Environment, das K im Name hät kä wyteri Bedütig, obwohl s zu Spekulatione aaregt.

• GNOME: Abkürzig für GNU-Network-Object-Model-Environment

Weblink

• Linuxbenutzerband vom 68 - Linuxferien vom Owerelsass
• Kernel.org – Projektsyte vom Linux-Chärnäu
• lug-ag.ch – Linux Bruchergruppe us em Aargou
• lugs.ch – Linux Bruchergruppe vo dr Schwiz