Alemannische Wikipedia

GNU-FDL

D GNU-Lizenz für freii Dokumentation (oft au GNU Freii Dokumentationslizenz gnännt, englischi Originalbezeichnig GNU Free Documentation License, Abchürzige: GNU FDL, GFDL) isch eini vo de gebrüüchlichschte Lizenze für so gnännti Freii Inhält. Usegeeh wird die Lizenz vo dr Free Software Foundation, dr Dachorganisation vom GNU-Projekt.

Redundanz
Redundanz
 D Artikle GNU-FDL und GNU-Lizenz für freie Dokumentation tüend sich thematisch öberschniide. Helf mit, demit di baide Lemmata besser vonenand abgrenzt sind oder lueg, wiemer ain guete grössere Artikel drus mache cha. D Diskussione findet do statt. Bivor Du de Baustai ewegmachsch, tue bitte zerscht Dini Bigründig ibringe. Redf0x (Diskussion) 18:09, 21. Jun. 2012 (MESZ)
GNU-Logo

Wenn en Urheber bzw. Copyrightinhaber (Lizenzgeber) es Werch under die Lizenz schtellt, büütet er demit jedermann sehr wiitgehendi Nutzigsrecht a dem Werch aa: Die Lizenz gschtattet d Vervielfältigung, Verbreitig und Veränderig vom Werch, au zu kommerzielle Zwecke. Im Gegezug verpflichtet sich dr Lizenznehmer zur Iihaltig vo de Lizenzbedingige.

D Lizänzbedingige

ändere
  • Nammenännig: Wär e Dokümänt, wu unter GNU-FDL stoht, verbreitet oder veränderet un verbreitet, muess dr Namme oder d Nämme vu dr bishärige Autore nänne (mindschtens fimpfi, wänns fimpf oder meh Autore sin).
  • Copyleft-Prinzip: Alli Veränderige miän unter d GNU-FDL gstellt wäre.
  • Hischtoriä: Bin ere Veränderig miän diä bishärige Veränderige ufglischtet sii.
  • Lizänztext: Dr voll änglisch Text vu dr Lizänz muess mitgliiferet wäre.
  • Umschlagtäxt: Wänn im Fall s ürspringlig Dokumänt Zuesätz enthaltet ("unmodified invariant sections", "unveränderlichi Abschnitt"), zum Biispiil Copyright-Erklärige, miän diä ufs veränderet Dokumänt ibernumme wäre. Zum Biispiil bi Handbiächer stehn eso Zuesätz uf em Umschlag.
  • Uffe halte: S derfe bi Veränderige keini technische Massnahme droffe wäre, wu e Kopiäre un/oder Ändere verhindere.

Wer sich nöd a di Lizenzbedingige haltet, verlüürt demit automatisch die dur die Lizenz iigrüümte Recht.

Äwändig un Gritik

ändere

D GNU-Lizenz für freii Dokumentation isch urschprünglich gschaffe worde, um Dokument, wie biischpiilswiis Handbüecher, wo im Rahme vom GNU-Projekt verfasst worde sind, under e ähnlichi Lizenz z schtelle wie d Software selber und demit entschprechend em Geischt vo dr Bewegig für Freii Software e freii Verfüegbarkeit und d Bekanntgaab und Überträgig vo Rechte für jedi Person z garantiere. S Pendant vo dr GNU-Lizenz für freii Dokumentation us em Software-Bereich isch d GNU General Public License.

Di umfangriichschti Sammlig vo Inhalte, wo under dr GFDL lizenziert sind, findet sich i dr freie Enzyklopädie Wikipedia, wo mittlerwiile meeh als ei Million Artikel in über 100 Schpraache umfasst. Insbesunderi d Nutzig vo dr Lizenz in dem und ähnliche Projekte (usserhalb vom Bereich vo dr Software-Dokumentation, für de die Lizenz urschprünglich gschaffe worde isch) hät i de letschte Jahre zu einiger Kritik a dere Lizenz gfüehrt. Bemänglet wird debii vor allem, dass die Lizenz im Vergliich zu andere, schpäter entschtandene Lizenze für Freii Inhalt z kompliziert sei. Vor allem d Pflicht, de vollständigi Lizenztext z veröffentliche, erschwert die Übernaahm vo chürzere Texte erheblich. Usserdem liit d Lizenz nur inere englischschpraachige Fassig vor – es git lediglich inoffizielli, nöd rechtsverbindlichi Übersetzige.

Drum finded zuenehmend di Lizenze vo Creative Commons Verbreitig, wo düütlich eifacher sind und sogar verschiedene nationale Gsetzgebige berücksichtige. Allerdings isch für viili under dr GFDL aagfangeni Projekt en Lizenzwechsel praktisch unmöglich, wil hierfür d Zueschtimmig vo allne Urheber bzw. Copyright-Inhaber iigholt werde müessti. Us dem Grund bemüeht sich d Free Software Foundation derziit drum, zumindescht einigi Kritikpunkt a dr GNU-Lizenz für freii Dokumentation dur e neui Version vo dr Lizenz z besiitige. Öb demit e vollschtändigi Kompatibilität mit dr sehr ähnliche Creative-Commons-Lizenz Namesnännig, Wiitergaab under gliiche Bedingige (CC-BY-SA) erreicht werde chann, isch allerdings unklar. Usserdem isch d Arbet anere neue Version vo dr GFDL offebar zugunschte vom uufwändige GPL-Version3-Projekt zrugg gschtellt worde.

En wiitere Kritikpunkt betrifft di sogenannte unveränderliche Abschnitt (englisch invariant sections). D GFDL erlaubt em Urheber, für beschtimmti Abschnitt d Modifikation z uncersäge, falls die wiitere Informatione über d Autore bzw. Herausgeber enthalte. Kritiker bemängled, dass das em Gedanke vo dr Software-Freiheit zuwwiderlauft, allerdings mached usser dr FSF nur wenigi Urheber vo dere Klausle Gebruuch. I dr Vergangeheit hät das biischpiilswiis dezue gfüehrt, dass d GFDL vom Debian-Projekt e Ziit lang als unfrei aagluegt worde isch. Im März 2006 isch das jedoch uf Dokument mit invariant sections iigschränkt worde.

Lueg au

ändere

Literatur

ändere
ändere
Vun "https://als.wikipedia.org/w/index.php?title=GNU-FDL&oldid=1028889"