Locarno Film Festival

S Locarno Film Festival (bis 2016 Festival del film Locarno, 2017–2018 Locarno Festival) findet syter anne 1946 all Johr im Augschte in dr Stadt Locarno im Kanton Tessin in dr Schwyz statt. S gheert no dr Filmfeschtspiil vu Venedig un em Moskauer Filmfeschtival, wu scho in dr 1930er Johr grindet wore sin, un näb dr Filmfeschtspiil vu Cannes un em Filmfeschtival Karlovy Vary (alli 1946 grindet) zue der eltschte Filmfeschtspiil uf dr Wält. Wie sälli zellt s zue dr Filmchunschfeschtival mit eme Spiilfilmwettbewärb no dr Vorgabe vu dr Filmproduzänteverainigung FIAPF (A-Kategory-Feschtival).

D Piazza Grande vu Locarno bi dr Filfeschtspiil 2005

In däne elf Dääg, wu s Feschtivall goot, wäre hunderti Film zaigt. E Hufe Film wäre as Freiluftvorfierig uf dr Piazza Grande in dr Altstadt vu Locarno uf ere Großlyynwand zaigt.

Syter anne 1968 wird as Hauptbryys fir dr bescht Wettbewärbsfilm dr Pardo d’oro, dr Guldi Leopard, vergee. D Uuszaichnig isch mi 90.000 Schwyzer Franke dotiert, wu zue glyche Dail an dr Reschiseer un dr Broduzänt vum Film goot.

Weblink ändere

  Commons: Locarno Festival – Sammlig vo Multimediadateie