Lore Fischer (Dichterin)
D Lore Fischer geborena Pflug (* 12. Mai 1934 z Dibenga; † 27. Juni 1983 z Balenga) isch a schwäbischa Dichdere gwäa. Se hådd z Rosafäld em Graes Balenga gläabd. Ir Vaddr isch dr Max Pflug gwäa, Buachdruggrmåeschdr, ir Muadr d Albertine Pflug geborena Bühler. Am 24. Dezember 1952 hådd se da Eberhard Fischer aus Aschaffaburg gheiråd.
| Dialäkt: Schwäbisch |
Gschriiba hådd-se zwåe Gedichdbändla: Von Adam ond Eva bis zu de Schwoba[1] ond So semmer halt[2]. Ihre Gediichd send humorvool ond guad zomm läasa. Emm aersda Biachle diichded-se ibr Gschiichda aus dr Bibel gnaoso wia ibr Vorfäll aus-m Remischa Reich, ond selbsdvorsdendlich ibr kuriose Szena aus-m schwäbischa Alldag. Ir zwåeds Biachle gåd de Jåreszeida nåch ond isch a Sammlong vo de Gediichd, dia må ibr a leengora Zeid emm Zollern-Alb-Kurier rauskomma send.
Nochweis ändere
- ↑ Lore Fischer, Von Adam ond Eva bis zu de Schwoba, Knödler-Verlag Reutlingen 1980, ISBN 3-87421-093-6
- ↑ Lore Fischer, So semmer halt, Druck- und Verlagshaus Hermann Daniel GmbH, Balingen 1982.