Louvre

Dr Louvre (frz. Palais du Louvre) z Bariis isch früener e franzöösische Köönigsbalast gsi und het zämme mit em zerstöörte Palais des Tuileries s Bariiser Stadtschloss bildet. S Geböid lit im Zentrum vo Bariis zwüschen em rächte Ufer vo dr Seine und dr Rue de Rivoli. Si Innehoof lit uf dr historische Aggse, wo bim Gloggedurm vo dr Chille St-Germain-l’Auxerrois aafoot und über d Iigangspüramide us Glaas vom Louvre bis zur Grande Arche in La Défense goot; iir Kärnstück si d Champs-Élysées.

Im Louvre isch hüte s Museum Musée du Louvre dehäi, wo 8,3 Millione Bsuecher im Joor het^[1]. Es het mee Bsuecher as jedes andere Museum und isch dr Usstelligsflechi nooch s drittgrösste Museum uf dr ganze Wält.^[2]

Im Nordflügel vom Louvre isch d Instituzioon Les Arts Décoratifs mit drei Museum: Musée des Arts décoratifs, Musée de la Mode et du Textile, Musée de la Publicité und de Bibliothèque des Arts décoratifs.

Liddratuur

Sylvia Jurewitz-Freischmidt: Herrinnen des Louvre. Frankreichs Regentinnen Maria de' Medici und Anne d’Autriche. Casimir Katz, Gernsbach 2005, ISBN 3-925825-98-3.
Michael Petzet: Claude Perault und die Architektur des Sonnenkönigs. Der Louvre König Ludwigs XIV. und das Werk Claude Perraults. Deutscher Kunstverlag, München u. a. 2000, ISBN 3-422-06264-5.
Pablo Schneider, Philipp Zitzlsperger (Hrsg.): Bernini in Paris. Das Tagebuch des Paul Fréart de Chanteloup über den Aufenthalt Gianlorenzo Berninis am Hof Ludwigs XIV. Akademie, Berlin 2006, ISBN 3-05-004162-5.
Fritz Stahl: Paris. Eine Stadt als Kunstwerk. Rudolf Mosse Buchverlag, Berlin 1929.
Heinfried Wischermann: Architekturführer Paris. Hatje, Ostfildern 1997, ISBN 3-7757-0606-2, S. 35.

Film

La ville Louvre. Dokumentarfilm, 1990, 85 Min., e Film vom Nicolas Philibert
Wie entstoot en Usstellig im Louvre? Dr Film wirft e Blick hinder d Kulisse vom Louvre, zäigt die underirdische Archiiv und git en Iiblick in d Organisazioon.

Fuessnoote

↑ Noch eme Komünikee vom Kultusministerium het s im Ganze 8,3 Millione Bsuecher gee (2007), vo dene si 7,9 Millione (4 % mee as im Joor vorhär) in d Duurusstellig gange und 307.000 in die bäide Sonderuusstellige, wo am mäiste Bsuecher gha häi. www.culture.gouv.fr
↑ Grösseri Usstelligsflechene as im Louvre het s im Metropolitan Museum New York und in dr St. Petersburger Eremitasche

Weblingg

Commons: Musée du Louvre – Sammlig vo Multimediadateie

Musée du Louvre
Der Louvre as 3D-Modäll im 3D Warehouse vu Google SketchUp
Multimedia-Guide im Louvre

48.86252.3363888888889Koordinate: 48° 51′ 45″ N, 2° 20′ 11″ O

Dä Artikel basiert uff ere fräie Übersetzig vu dere Version vum Artikel „Louvre“ vu de dütsche Wikipedia. E Liste vu de Autore un Versione isch do z finde.

[1] Noch eme Komünikee vom Kultusministerium het s im Ganze 8,3 Millione Bsuecher gee (2007), vo dene si 7,9 Millione (4 % mee as im Joor vorhär) in d Duurusstellig gange und 307.000 in die bäide Sonderuusstellige, wo am mäiste Bsuecher gha häi. www.culture.gouv.fr

[2] Grösseri Usstelligsflechene as im Louvre het s im Metropolitan Museum New York und in dr St. Petersburger Eremitasche

[1]

[2]