Lucius I.

Dr Lucius I. (* z Rom; † 5. Merz 254) isch fir acht Monet (25. Juni 253 bis zue sym Dod) Bischof vu Rom gsii.

Lääbe

Dr Lucius isch Remer gsii. Vum Chaiser Trebonianus Gallus isch dr Lucius sofort in d Verbannig gschickt wore. Noch em gwaltsame Dod vum Chaiser het er unter däm sym Noofolger Valerian waidli chenne retuurchehre. S Schisma vum Novatian isch unter syre Amtszyt wytergange. Gege dr Rigorismus vu dr Novatianer het er wie scho sy Vorgänger Cornelius di milder Richtig in dr Bueßpraxis verdrätte.

Är wird in e bar Brief vum hailige Cyprian vu Karthago gnännt, wu ne as miuetige Bekänner riemt. Erscht speteri Legände brichte vun eme Martyrium. Wie syni Vorgänger het er syni letscht Ruestätt in dr Calixtus-Katakombe gfunde. Wu die wider entdeckt woren isch, isch e Stuck vu syre Grabinschrift gfunde wore. Sy Gedänkdag isch dr 4. Merz. In Roskilde: Übertragung der Gebeine: 25. August.

Literatur

• Francesco Scorza Barcellona: Lucio I. In: Enciclopedia dei Papi. Rom 2000.
• Ekkart Sauser: Lucius I. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 301–303.
• Ytrag in d Catholic Encyclopedia, Robert Appleton Company, New York 1913 (änglisch)

Weblink

 Commons: Lucius I. – Sammlig vo Multimediadateie

• Gsamtwärch vu Migne Patrologia Latina mit Inhaltsverzaichnis

Vorgänger Cornelius

Bischof vu Rom Dr Titel Papscht isch anne 384 zum erschte Mol brucht wore. 253–254

Nochfolger Stephan I.

Dä Artikel basiert uff ere fräie Übersetzig vu dere Version vum Artikel „Lucius_I.“ vu de dütsche Wikipedia. E Liste vu de Autore un Versione isch do z finde.