Ludwig Adam Kelterborn

Dr Ludwig Adam Kelterborn (* 15. Februar 1811 z Hannover, † 6. Juni 1878 z Baasel) isch e dütsch-schwizerische Mooler, Karikaturist und Leerer gsi.

Karikatuur vom Kelterborn: Dr Freihäitsbaum z Binnige, 1832

Dialäkt: Baseldütsch

Lääbe

Dr Ludwig Adam isch z Hannover as Soon vom Friedrich Kelterborn, eme Schuester, uf d Wält cho. Er het an dr Akademii Dresde Moolerei welle studiere, het aber, wo dr Vater gstorbe isch, en Usbildig zum Dessinatöör gmacht. Vo 1828 bis 1831 het er in dr Indiennefabrik vo Mülhuuse gschafft. 1831 isch er uf Baasel züüglet, und het dört vo 1835 aa as Zäichnigsleerer an dr Zäichnigsschuel Underricht gee und vo 1837 an de Stadtschuele. As Mooler isch er under em Iifluss vom Hieronymus Hess und de romantisch-religiöse Nazarener gstande und het in deere Zit e hufe Schanerbilder gmoolt und politischi Karikature zäichnet. Im Joor 1839 isch er Baasler Bürger worde und het d Augusta Margaretha Märklin ghürootet. Iiri Söön Gustav und Julius si bäidi Archidekte worde und häi z Baasel en Archidekturbüro ufdoo.

Kwelle

• Tapan Bhattacharya: Kelterborn, Ludwig Adam. In: Historisches Lexikon vo dr Schwiiz.