Mélanie René

D Mélanie René (* 1. Septämber 1990 z Gämf) isch e Schwyzer Sängerin. Si het ihre Land anne 2015 bim Eurovision Song Contest verdrätte.

d Mélanie René (2015)

Lääbe

D Mélanie René isch z Gämf as Dochter vu mauritianische Eltere uf d Wält chuu. Mit sibe Johr isch si zum erschte Mol uf Familiefyre un Fescht ufdrätte. Anne 1995 isch d Familie in s franzesisch Département Haute-Savoie zoge. Anne 2009 het si d Schwyz bim Gregoriu International Festival in dr rumänischen Stadt Brăila verdrätte mit e sälber komponierte Titel „Il chante avec les anges” (alem.: Är singt mit dr Ängel), e Tribut an ihre Großvater, un het dr Wettbewärb gwunne. Anne 2010 isch si im änglische Guildford uf d Academy of Contemporary Music un uf s Institute of Modern Music z Brighton gange, wu si mit eme Bachelor in Musikperformance abgschlosse het.

Am 31. Jänner 2015 het si gege fimf Konkurränte dr Schwyzer Vorentschaid Die große Entscheidungsshow zum ESC 2015 z Wien gwunne mit em sälber gschribene Lied Time To Shine (dt.: Zyt zum schyyne). Si isch di erscht Verdrätteri vum franzesischsprochige Sänder RTS bim Wettbewärb syt 1996 un di erscht Gämferi bim ESC syt 1992. Bim zweete Halbfinale am 21. Mai het si si nit chenne fir s Finale qualifiziere.

Diskografy

• 2015: Time to Shine
• 2015: On avait rêvé

Weblink

 Commons: Mélanie René – Sammlig vo Multimediadateie

• Offiziälli Homepage (änglisch)

Fueßnote

Dä Artikel basiert uff ere fräie Übersetzig vu dere Version vum Artikel „Mélanie_René“ vu de dütsche Wikipedia. E Liste vu de Autore un Versione isch do z finde.