Magène isch e Organisation in dr Normandi, wo sich drùm bemiet, di normännischi Sprooch z bewaare ùn z fördere, in de Hauptsach dur d Förderig vo musikalische Aktivitäte in de Sprooch. De Name Magène chùnt vùmene normännische Wort, wo öbe ‚no chlar, bstimmt‘ bedütet.

de Jean-Louis Dalmont ùn de Théo Capelle vo Magène aa de Fête des Rouaisouns ùff Jersey im Joor 2008.

Magène isch 1987 z Coutances vùm Marcel Dalarun ùn em Daniel Bourdeles gründet worde. Magène isch ùff dr Halbinsel Cotentin aktiv ùn isch di einzigi verglychbari Organisation in dr ganze Normandi. D Organisation isch vorallem musikalisch aktiv ùn produziert normännischi Lieder im normännische Patois, im Gägesatz zue andre Grùppe ùn Produzänte, wo entweder ùff Französisch oder aber keltischi Musik produziere.

Andri Aktivitäte vo Magène sin kulturelli Veraastaltige ùn dr Versuech, d Sprooch au in dr Schuel z fördere. Ùff ihre Websyte duet die Organisation usserdäm e normännischs Wörterbuech, Biecher über die Sprooch, Teggscht ùn wyteri Informatione zum Normännische zuegängig mache.

S Zyyl vo Magène isch es, s Normännische vorem Usstärbe z rette ùn dur des e Deil vo de normännische Kultuur z erhalte. Usserdäm isch Magène defür, dass di verschiidne Langues d'oïl als Regionalsprooche anerkannt werde.

Diskografi ändere

  • 1989 : Calitchumbelet
  • 1992 : Rouogie du sei
  • 1994 : La louerie
  • 1998 : Dauns men prêchi
  • 2000 : Caunchounettes normaundes
  • 2001 : Magène en concert
  • 2004 : Les Ouées de Pirou
  • 2004 : Eun miot de souovenin
  • 2006 : DVD de la comédie musicale les Ouées de Pirou
  • 2007 : Veillie normaunde
  • 2008 : Grans de sablle
  • 2009 : R'vans
  • 2011 : La dentélyire
  • 2013 : Angelina - Chansons du Bessin
  • 2014 : Je syis magnifique !

Weblink ändere