Hauptmenü ufmache
Magdalenebergle

S Magdalenebergle isch e keltisches Fürschtegrab uus de Iiseziit, des hoaßt uugfähr 600 Johr vor iisere Ziitrechnig. S liit im äuserschte Süde vu Villinge, uf em Laible (740 m ü. NN). S isch de greeschte Grabhigel vu Mitteleuropa uus de Hallstadtziit un hät e Volume vu 22000 Zuber.

De keltische Fürst hät, da wo d Kirne un Brig zämmefließet, inere befeschtigte Sidlung gwohnt. Hitstag wird selle Bergzunge Kapf gnennt.

D Wissenschaftler hän uf'm Laible 1890 un denn nomool 1970 bis 1973 Grabunge gmacht. Sie hän im Magdalenebergle e großes Grab uus de Hallstadtziit gfunde. I sellem Grabhigel hät mer no e Blockhuus uus Oachebalke gfunde. Da drinne sin leider nu no Knoche vunem Mensch, Knoche vunem kliine Süüle, Reschte vunem Wage, e wengle Schmuck un Teile vum Pferdezaumzüg gsi. Schiints hän des Grabräuber scho usgrummt ghet. Um des Fürschtegrab rum sin no 126 andere Keltegräber gfunde worre, wo no en Huufe Biigabe drinne wared.

Die Dillekammer un die andere Fundschtick uus em Magdalenebergle kaa mer im Franziskanermuseum z Villinge aagucke.