Mandschurei

D Mandschurei (chin. 滿洲 / 满洲, Mǎnzhōu „Land vo de Mandschus“) isch e historischi Landschaft, wo hüte in dr Volksrepublik China, Russland und zu chliine Däil in dr Mongolei lit. Zu iir ghööre d Browinze Heilongjiang, Jilin und Liaoning (chin. 東三省 / 東北三省 / 东三省 / 东北三省, Dōng Sān Shěng / Dōngběi Sān Shěng „Drei Browinze vom Oste/Nordoste“), historisch au Hulun Buir, Hinggan, Tongliao und Chifeng in dr Innere Mongolei. Dr Regioon säit mä au Nordostchina (東北 / 东北, Dōngběi, churz für: 東北地區 / 东北地区, Dōngběi Dìqū „Nordostchinesischi Regioon“).

D Gränze vo dr Mandschurei; dunkelroot die hütigi Mandschurei (China), rächts oobe rosa die Üsseri Mandschurei (hüte Russland)

S Gebiet vo dr hütige Mandschurei in dr Volksrepublik China het im Nordoste Gränze mit Heilong Jiang (Amur) und Ussuri, im Norde mit Heilong Jiang und em Groosse Hinggan-Gebirg, im Südweste isch die Chinesischi Muure und im Südoste dr Yalu Jiang. Im Norde und Oste vo dr Mandschurei isch Russland (Sibirie), im Weste d Mongolei und im Süde Nordkorea.

Bedütendi Stedt

• Changchun (長春 / 长春)
• Dalian (大連 / 大连)
• Fushun (撫順 / 抚顺)
• Harbin (哈爾濱 / 哈尔滨)
• Jilin (吉林)
• Qiqihar (齊齊哈爾 / 齐齐哈尔)
• Shenyang, früener: Mukden (瀋陽 / 沈阳)

Wichdigi Flüss

• Hēilóng Jiāng, russisch: Amur (黑龍江 / 黑龙江)
• Songhua Jiang (松花江)

Vercheer

Die Dransmandschurischi Iisebaan, e Zwiig vo dr Dranssibirische Iisebaan got dur d Mandschurei.

Uf em Abschnitt Dalian–Changchun isch vo 1934 bis 1945 (also wääred dr japanische Bsatzig) isch dr legendäär Expresszug Ajia vercheert.

Liddrautur

• Thomas R. Gottschang, Diana Lary: Swallows and Settlers. The Great Migration from North China to Manchuria. Center for Chinese Studies, University of Michigan, Ann Arbor 2000, ISBN 0-89264-134-7.
• Gustav Fochler-Hauke: Die Mandschurei. Eine geographisch-geopolitische Landeskunde (= Schriften zur Wehrgeopolitik. Band 3). Vowinckel, Häidelbärg 1941.

Weblingg

 Commons: Mandschurei – Sammlig vo Multimediadateie

• Literatur vu un iber Mandschurei im Katalog vu dr Dütsche Nazionalbibliothek