Alemannische Wikipedia

Marie (Liad)

Dialäkt: Mìlhüüserdiitsch

Marie LL-Q150 (fra)-Mathieu Kappler-Marie.wav [maʁi](info) ìsch a Chanson-Liad vum frànzeescha Sanger Johnny Hallyday, wo ànna 2002 ärschìena-n-ìsch. ’S ìsch vum frànzeescha Kìnschtler Gérald de Palmas gschrìewa un produziart worra. S’ Liad ìsch z’äärscht ìm Radio z’ loosa gsìì, un ìsch drnooh àm 21. Oktoower 2022 àls Sìnggel vum Àlbum À la vie, à la mort ! veräffentligt worra. ’S ìsch s’ maischtbekànnta Liad uff’m Àlbum.

S’ Liad hàt a sehr groosser Ärfolg ghàà, mìt mehr àss 1.400.000 verkàuifta Schàllplàtta. Dàs ìsch àlso ìm Hallyday siina maischtverkàuifta Sìnggel.

Hìntergrund ändere

Noh-n-em Ärfolg vum Liad Allumer le feu (1998) hàt dr Johnny ìn siinera Müüsikkàrriar a zwai Joohra lànga Pàuisa ghàà. Fìr dr Ruckkehr vum Hallyday hàt dr Produzänt Pascal Nègre uff a näi Hit gwunscha. Ar hàt wälla, àss s’ näi Liad vu’ma Nàchwuchstàlant gschrìewa wìrd. Àlso hàt’r dr Gérald de Palmas um a Komposizioon gebìtta. Dr de Palmas ìsch àwwer kää Rock-Kìnschtler, àlso hàt’r fìr dr Hallyday a Bàllààda gschrìewa. Vorhar hàt’r nia fìr a ànder Sanger komponiart ghàà. Dr Vornamma „Marie“ hàt’r züafallig gwählt.

Noh dr Veräffentligung vu dr Sìnngel hàt dr Hallyday àm 2. Nowamber 2002 àls Gàscht ìm Farnsahwättkàmpf Star Academy s’ Liad Marie gsunga. D’ Sandung hann 8 Millioona Züaschàuijer glüagt. Dàs hàt nàdììrlig zem Ärfolg vu dr Sìnggel biitrajt, bsunders bii da junga Litt.

Àn dr Beardigung vum Johnny Hallyday z’ Pàriis àm 9. Dezamber 2017 —wu mehrera hunderttoisiga Litt kumma sìnn— hàt a Band vor àn dr Mänga s’ Liad Marie gschpìelt, wu maa dr Sàrg ìn d’ Kìrìch La Madeleine hàt düa brìnga.

Tracks uff dr Sìnggel ändere

CD-Sìnggel
  1. Marie — 3:58, gschrìewa vum Gérald de Palmas
  2. Dis-le moi — 4:28, gschrìewa vum Fred Blondin

s’ Video vum Liad ändere

Dräijt worra-n-ìsch s’ Müüsikvideo vum Fìlmamàcher Jérôme Cornuau ìn’ra ehamààliga Fàwrìk z’ Crosne a pààr Kilomääter süüdeschtlig vu Pàriis.[1] Ìm Video ìsch dr Hallyday àls Soldàt ìn’ra Schlàcht z’ sah. Ìn da Ruina wìrd’r vu faindliga Soldààta-n-umgaa. Wu-n-’r verschteht, àss’r dr Kàmpf verloora hàt, schribbt’r ìn siinera Verliabta-n-a lätscht Briaf.

Plàtziarunga ìn da Charts ändere

Lànd (Chart) bäschter
Plàtz
Flagge von Belgium  Belgia (Walloonia, Ultratop 40)[2] 2
Flagge von France  Frànkrììch (SNEP)[3] 1
Flagge von Switzerland  Schwiiz (Swiss Music Charts)[4] 7

Üüsszaichnunga fìr Müüsikverkaif ändere

Lànd Üüsszaichnung Zàhl vu da
Verkaif 		Dàtum
Flagge von Belgium  Belgia (BEA)[5]   Plàtin-Schàllplàtta 50.000 27. Dezamber 2002
Flagge von France  Frànkrììch (SNEP)[6]   Diàmànt-Schàllplàtta 750.000 30. Dezamber 2002

Lìteràtüür un Meediasandunga ändere

Weblìnks ändere

Ainzelnoohwiisa ändere

  1. ↑ Nicolas Goniard: Mort de Johnny Hallyday : Crosne se souvient du tournage du clip de « Marie ». In: Le Parisien. 6. Dezember 2017, abgruefen am 20. Juli 2022 (französisch).
  2. ↑ Johnny Hallyday – Marie. Ultratop, abgruefen am 20. Juli 2022 (französisch).
  3. ↑ Johnny Hallyday - Marie (chanson). In: lescharts.com. Abgruefen am 20. Juli 2022 (französisch).
  4. ↑ Johnny Hallyday – Marie. In: Swiss Charts. Abgruefen am 20. Juli 2022.
  5. ↑ Les disques d’or/de platine 2002. Ultratop, abgruefen am 20. Juli 2022 (französisch).
  6. ↑ Les certifications : Marie (Johnny Hallyday). Syndicat national de l’édition phonographique (SNEP), abgruefen am 20. Juli 2022 (französisch).
Vun "https://als.wikipedia.org/w/index.php?title=Marie_(Lied)&oldid=1050435"