D’ Marion Maréchal LL-Q150 (fra)-Mathieu Kappler-Marion Maréchal.wav [maʁjɔ̃ maʁeʃal] (bìrgerlig d’ Marion Jeanne Caroline Le Pen; * 10. Dezamber 1989 z’ Saint-Germain-en-Laye bii Pàriis) ìsch a frànzeescha Politikera vu dr Pàrtäi Reconquête. Vorhar hàt sa zem Front National (FN) gheert, wo-n-ìhr Groossvàtter Jean-Marie Le Pen grìnda hàt un d’rnooh ìhra Tànta Marine Le Pen glaita hàt. Zwìscha 2010 un 2018 hàt sa dr Nàmma Marion Maréchal-Le Pen LL-Q150 (fra)-Mathieu Kappler-Marion Maréchal-Le Pen.wav [maʁjɔ̃ maʁeʃal lə pɛn] brüücht.

D’ Marion Maréchal ànna 2022
Dialäkt: Mìlhüüserdiitsch

Ànna 2012 ìsch sa ìm süüdfrànzeescha Département Vaucluse àls Àbgoordneta ìn d’ Nàzionààlversàmmlung gwählt worra. Domìt ìsch sa d’ ainzelna FN-Àbgoordneta vu dr 14. Legislàtüürperiooda gsìì, un mìt 22 Joohra-n-ìsch sa d’ jìngschta-n-Àbgoordneta ìn dr Gschìcht vu dr Frànzeescha Repüblik bis àn dr Pàrlàmantswàhl vu 2022 gsìì. Bii dr Regionààlwàhl vu 2015 ìsch sa FN-Schpìtzakàndidààta ìn Provence-Alpes-Côte d’Azur gsìì un hàt mìt 45,2 Prozant vu da Schtìmma ìn dr zwaita Runda s’ bäschta-n-Ärgabniss vun’ra FN-Lischta ìn Frànkrììch ghàà. Sa ìsch àls d’ Ààfiahrera vu dr identitäära un liberààlkonsärwàtiiwa Schtreemung ìnnerhàlb vu dr Pàrtäi betràchtet worra.

Noh dr Presidàntschàftswàhl vu 2017 ìsch d’ Marion Maréchal üss dr Politik z’rucktratta. Ìm Joohr druff hàt sa s’ Ìnschtitüüt fìr Soziààl-, Wìrtschàfts- un Politikwìssaschàfta (ISSEP) z’ Lyon grìnda un ìsch siina Generààllaitera worra. Ìn Hìnblìck vu dr Presidàntschàftswàhl vu 2022 hàt sa dr rachtsextreema Kàndidààt Éric Zemmour unterschtìtzt.[1][2][3] Àm 19. Àwrìl 2022 ìsch sa àls schtällvertrattenda Vorsìtzenda vu siinera Pàrtäi Reconquête ärnännt worra.[4]

Lüag àui ändere

Lìteràtüür ändere

  • Kim Son Hoang: Die Nichte, die Marine Le Pen in den Rücken fällt. In: Der Standard. 1. Februar 2022 (österreichisches Deutsch, derstandard.de [abgerufen am 27. Oktober 2022]).
  • Michel Henry: La Nièce : le phénomène Marion Maréchal-Le Pen. Éditions du Seuil, 2017, ISBN 978-2-02-133778-5 (französisch, 352 S.).
  • Louis Hausalter: Marion Maréchal : le fantasme de la droite. Éditions du Rocher, 2020, ISBN 978-2-268-10356-3 (französisch, 288 S.).

Weblìnks ändere

  Commons: Marion Maréchal – Sammlig vo Multimediadateie

Ainzelnoohwiisa ändere

  1. svs/dpa: Nichte von Le Pen unterstützt Kandidaten, der noch rechter ist. In: Der Spiegel. 6. März 2022, archiviert vom Original am 25. März 2022; abgruefen am 27. Oktober 2022.
  2. Nina Belz: Der Verrat der Nichte oder: Setzt Marion Maréchal auf das richtige Pferd? In: Nöii Zürcher Ziitig. 15. März 2022, abgruefen am 27. Oktober 2022 (Schwiizer Hochtüütsch).
  3. Stefan Brändle: Marion gegen Marine: Familienfehde bei den Le Pens wegen einer Überläuferin. In: Luzärner Ziitig. 1. Februar 2022, archiviert vom Original am 10. Februar 2022; abgruefen am 27. Oktober 2022 (Schwiizer Hochtüütsch).
  4. Marion Maréchal devient vice-présidente exécutive de Reconquête !, le mouvement d’Eric Zemmour. In: L’Obs. 19. April 2022, archiviert vom Original am 27. April 2022; abgruefen am 27. Oktober 2022 (französisch).
  Dä Artikel basiert uff ere fräie Übersetzig vu dere Version vum Artikel „Marion_Maréchal“ vu de französische Wikipedia. E Liste vu de Autore un Versione isch do z finde.