Hauptmenü ufmache

D Martina Braun (* 3. April 1960 z Furtwangen im Schwarzwald) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg

Inhaltsverzeichnis

Uusbildig un BeruefBearbeite

Anne 1976 het d Braun e dreijehrigi Lehr zur Pharmazeutisch-tächnische Assischtenti (PTA) an dr Beruefsfachschuel z Fryybeg gmacht. Derno het si fimf Johr lang in verschidene Abedeeke gschafft. Syt 1983 fiert si zäme mit ihrem Mann en Biobuurehoof im Furtwangen Ortsdail Linach.

Bolitischi KarriereBearbeite

Vu 1999 bis 2009 isch d Braun stellverdrättendi Ortsvorsteheri vu Linach gsii. Anne 2008 isch si in d Bartei Bindnis 90/Di Griene yydrätte. Syt 2009 isch d Martina Braun Chraisreeti im Schwarzwald-Boor-Chrais, syt 2012 dert au im Vorstand vum Chraisverband vu dr Griene. Anne 2011 het si zum erschte Mol fir ihri Bartei as Diräktkandidati im Landdagswahlchrais Villinge-Schwenninge kandidiert. Im Zug vu dr Landdagswahl 2016 het si si geg dr bishärig Verdrätter vum Wahlchrais, dr Karl Rombach (CDU), chenne duresetze un het mit 31,6 % vu dr Wehlerstimme s Erschtmandat gwunne, s erscht fir di Griene.

In ihre Landdagsfraktion isch d Martina Braun Sprächeri fir dr Ländlig Ruum. Si laitet dr Arbetschrais Ländlige Ruum un Verbruucherschutz vu dr Fraktion un isch Mitglid im glychnamige Uusschuss un au im Petitionsuusschuss. Ihri Themeschwärpinkt sin Nochhaltigi LAndwirtschaft un Mobilitet im Ländlige Ruum.

Familie un PrivatsBearbeite

D Martina Braun isch syter anne 1983 mit em Roman Braun ghyrote un isch Mueter vu drei Chinder.

WeblinkBearbeite

  Dä Artikel basiert uff ere fräie Übersetzig vu dere Version vum Artikel „Martina_Braun“ vu de dütsche Wikipedia.

E Liste vu de Autore un Versione isch do z finde.