Hauptmenü ufmache
D Mila Kunis bi dr Comic-Con (2012)

D Milena „Mila“ Markovna Kunis (Ukrainisch Мілена Марківна Куніс, * 14. August 1983 z Czernowitz, Ukraine) isch e amerikanischi Schauspiilere und Sünchroonsprächere. Si isch mit dr Rolle vo dr Jackie in dr Färnseeserii Die wilden Siebziger bekannt worde.

Inhaltsverzeichnis

JugendBearbeite

D Kunis isch d Dochder vom Maschiinebauääscheniöör Mark und dr Phüsikleerere Elvira Kunis.[1][2][3] Si het e Brueder, Mike, wo as Biochemiker schafft. Wo si sibni gsi isch, isch si mit iirer Familie uf Kalifornie usgwanderet.

Z Los Angeles isch si uf d Hobert Howe Bancroft Middle-School gange und het am Nomiddaag Schauspiilunderricht gnoo. Iiri erste chliinere Rolle het si in Chinderbrogramm und dr Färnseewärbig überchoo. 1994 het si under anderem in ere Episode vo Zeit der Sehnsucht d Rolle vo dr Hope Williams gspiilt.

KarriereBearbeite

Mit vierzääni isch d Kunis für d Färnseeserii Die wilden Siebziger kaastet worde. S Mindestalter isch aber achzääni gsi und si het d Rolle nume überchoo, wil si falschi Aagoobe gmacht het. Anderi erwäänenswärti Ufdritt si under anderem d Hauptrolle im Aerosmith-Musikvideo Jaded gsi, e Rolle in Gia – Preis der Schönheit, wo si d Rolle vo dr Angelina Jolie Gia im Tiineidsch-Alter gspiilt het, und in The Book of Eli näben em Denzel Washington. D Kunis isch d Sünchroonstimm vo dt Meg Griffin in dr Zäichedrickserii Family Guy.

Für iiri Rolle in Black Swan het si vil Loob überchoo und dr Marcello-Mastroianni-Preis vo de Filmfestspiil vo Venedig. Usserdäm isch d Kunis für e Golden Globe in dr Kategorii Besti Nääbedarstellere nominiert worde. 2011 het si d Hauptrolle vo dr Jamie im Spiilfilm Freunde mit gewissen Vorzügen gspiilt und 2012 isch si mit em Mark Wahlberg in dr Komödie Ted vom Family-Guy-Erfinder Seth MacFarlane in dr wiiblige Hauptrolle vo dr Lori Collins ufdräte.

BrivaatsBearbeite

 
D Mila Kunis (2008)

Vo 2002 bis Januar 2011 isch d Kunis mit em ehemoolige Chinderstar Macaulay Culkin liiert gsi. Sit Middi 2012 isch si mit iirem Kolleeg us Die-wilden-Siebziger Ashton Kutcher zämme.[4] Si het sich sälber in ere US-Talkshow as „schlächti Jüdin“ bezäichnet, wil si sich nit allzu seer an s Bruuchdum wurd halte.

Dr Kunis iiri Auge häi verschiideni Farbe (Iris-Heterochromie), s äinte isch grüen und s andere bruun.[5] Si het au verzellt, ass si meereri Joor uf äim Aug blind gsi sig und het erst noch ere Leiseroperazioon das Aug wider chönne bruuche.[6][7]

Filmografii (Uswaal)Bearbeite

UszäichnigeBearbeite

  • 1999: YoungStar Awards: Best Performance by a Young Actress in a Comedy TV Series für Die wilden Siebziger
  • 2000: YoungStar Awards: Best Young Actress/Performance in a Comedy TV Series für Die wilden Siebziger
  • 2002: Young Hollywood Awards: One to Watch – Female für Die wilden Siebziger
  • 2009: Guys Choice Awards: Hottest Mila
  • 2010: Marcello-Mastroianni-Preis: Best Young Actress für Black Swan
  • 2010: Oklahoma Film Critics Circle: Best Supporting Actress für Black Swan
  • 2010: Saturn Awards: Best Supporting Actress für Black Swan
  • 2011: Guys Choice Awards: Holy Grail of Hot
  • 2011: Guys Choice Awards: Best Girl On Girl Scene für Black Swan (mit dr Natalie Portman)
  • 2012: Sexiest Woman Alive

FuessnooteBearbeite

  1. Chernivtsi: Ukrainian Jews Archivlink (Memento vom 3. Novämber 2013 im Internet Archive); Artikel auf Bible Discovered vom 1. April 2009
  2. Ukrainisch Inna Majdanjuk (Інна Майданюк): Міла Куніс зіграє у трилері ”Чорний лебідь”; Artikel in der Газета по-українськи vom 14. August 2009
  3. ‘Extract’ star Mila Kunis on her russian roots; Zämmestellig vo meerere Interviuu uf YouTube, uufeglaade am 23. August 2009
  4. Ashton Kutcher macht Liebesurlaub mit Mila Kunis. RP-Online, 2012-08-12. Abgrüeft am 2012-09-26.
  5. Biografie von Mila Kunis. Internet Movie Database. Abgrüeft am 2010-07-28. (en)
  6. Mila Kunis: I Was Blind in One Eye for Many Years; PopEater.com, 11. Januar 2011
  7. Mila Kunis: War auf einem Auge blind; Artikel auf bunte.de vom 11. Januar 2011

WeblinggBearbeite

  Commons: Mila Kunis – Sammlig vo Multimediadateie
  Dä Artikel basiert uff ere fräie Übersetzig vum Artikel „Mila_Kunis“ vu de dütsche Wikipedia.

E Liste vu de Autore un Versione isch do z finde.