Miltiades (Bischof vu Rom)

Dr Miltiades oder Melchiades (hebr.-lat.: dr Chenigli; au Meltiades, Melciades, Milciades, Milziade oder Miltides; † 10. oder 11. Jänner 314) isch vum 2. Juli 310 bis zum 10. oder 11. Jänner 314 Bischof vu Rom gsii.

Ikone mit dr Darstellig vum Miltiades

Lääbe un Wirke

Drotz em Name isch dr Miltiades wahrschyns Nordafrikaner gsii, iber syni Biografy waißt mer aber wenig.

In d Zyt vu syre Amtszyt isch am 30. April 311 s Toleranzedikt vum Galerius erloo wore, dodermit hän mit regionale uusnahme unter em Maximinus Daia d Chrischteverfolgige im Remische Rych ufghert. Wu dr Konstantin am 28. Oktober 312 iber sy Gegner Maxentius gsiigt ghaa het, isch s zwische sällem un em Licinius zue dr Mailänder Veryybarig chuu, wu d Glychstellig vu allne Religionen im Remische Rych brocht het. Dr Lateranpalascht isch um die Zyt de facto in dr Bsitz vu dr Bischef vu Rom chuu, de jure aber erscht anne 800 dur di Konstantinisch Schänkig, wu as Felschig entlarvt woren isch.

In dr Chilchegschicht isch dr Miltiades wichtig doderdur, ass er versuecht het, dr Stryt mit em Donatismus z lese. Är het s Schidsgricht im Lateran glaitet zum dr Stryt zwische dr Bischef Caecilianus vu Karthago un Donatus vu Casae Nigrae schlichte, wu am 2. Oktober 313 dr Caecilianus rehabilitiert het un d Donatischte zur Versehnig mit em Caecilianus ufgforderet het.

Verehrig

Syni Reliquie lige in dr Calixtus-Katakombe in dr sognännte Region vum Papscht Papstes Miltiades.

Syni Mahndäg sin in dr kadolische Chilche dr 10. Jänner un in dr orthodoxe Chilche dr 10. April.

Literatur

• Adolf Lumpe: Miltiades. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 1537–1538.
• Ytrag in d Catholic Encyclopedia, Robert Appleton Company, New York 1913 (änglisch)

Weblinks

 Commons: Miltiades – Sammlig vo Multimediadateie

• Gesamtwerk von Migne Patrologia Latina mit Inhaltsverzeichnis

Einzelnachweise

Vorgänger Eusebius

Bischof vu Rom Dr Titel Papscht isch anne 384 zum erschte Mol brucht wore. 310–314

Nochfolger Silvester I.

Dä Artikel basiert uff ere fräie Übersetzig vum Artikel „Miltiades_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.